<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d18310621\x26blogName\x3dI+am+the+it+girl\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://longlovelust.blogspot.com/search\x26blogLocale\x3dis_IS\x26v\x3d2\x26homepageUrl\x3dhttps://longlovelust.blogspot.com/\x26vt\x3d5257471162236029623', where: document.getElementById("navbar-iframe-container"), id: "navbar-iframe" }); } }); </script>

I am the it girl

 

Íþrótt dagsins - kajakpóló

Já allt er nú til! Prufaði kajakpóló á mánudaginn í friluftslivinu! Þetta er nú alveg hörkuskemmtileg íþrótt en það er annsi mikil harka í henni þegar fólk er orðið vant. Maður er semsagt á kajökum sem eru frekar litlir og það er auðvelt að snúa þeim og líka auðvelt að velta þeim. Það spila 5 í hvoru liði og er spilað með bolta með það að markmiðið að skora í markið hjá hinum. Það má nokkurnvegin gera allt, ýta eða reyna að velta hinum eða sigla á þá! :p hehe Það kunni þetta nottlega enginn þannig að þetta var nú bara frekar easy hjá okkur, ég er samt að hugsa um að prufa að skella mér á æfingu hjá kvennaliðinu sem æfir þetta hérna ;) Verður æft í sjónum þangað til í september/október og svo verður æft í sundlauginni sem er hérna í skólanum. Gaman að prufa eitthvað nýtt ;)

Hérna er ein mynd sem ég tók á mánudaginn



Og svo var ég víst búin að lofa mynd af mér í svakalega flotta blautbúningnum mínum ;p



Og já, fyrir Sunnu, af því að hana hlakkar svo mikið til þá má nefna það að í dag eru 5 vikur og 1 dagur þangað til hún ætlar að koma í heimsókn ;p

Höf Hrafnhildur
Dags miðvikudagur, ágúst 30, 2006
Klukkan 11:54
Skoðanir:
 
 

Blogg kvöldsins - Bannað innan 18!!

Jæja jæja, þá er ég semsagt orðin 22!! (En samt svona þá er ég sko bara 20! verð ekkert eldri! :p) hehe

Afmælisdagurinn byrjaði semsagt á tennis, geðveikt gott veður og fínt að vera úti að spila. Svo kom hádegismaturinn, hér er hefð fyrir því að það sé sungið fyrir afmælisbörnin og ég var engin undantekning, samt var þetta þannig að allir íslensku krakkarnir þurftu að standa upp og syngja! hehehe það semsagt söng 12 manna kór fyrir mig :p Mér finnst það samt best að dönsku krakkarnir fóru að spurja þau útí sönginn um kvöldið og þá hafði "hún er tuttugu og tveggja í dag" víst hljómað eins og "hún er feit og ljót" (veit einhver hvernig það er á dönsku? hljómar það eitthvað eins og 22?) hehe, aumingja danirnir voru þvílíkt hneykslaðir hehehe

En allavega svo var nottlega partý um kvöldið, Ketil, sem átti afmæli líka stóð held ég fyrir einhverju svaka partýi en mér var boðið í herbergi 25 til Sigríðar og Ingveldar. Ég fékk gjöf frá íslensku mafíunni, rósavínflösku sem ég átti að klára um kvöldið! oooog ég fór nottlega létt með það :p hehe Það var svaka stuð hérna hjá okkur, allir blindfullir og sumir skemmtu sér meira en aðrir! Ketil t.d. hljóp nakinn um skólalóðina í tilefni 18 ára afmælisdagsins!! oooog ef einhver er að velta því fyrir sér þá lét ég auðvitað taka mynd af okkur afmælisbörnunum! ;)



Ég fékk mér breskan bjór sem heitir Hoblgoblin eða eitthvað,hehe.



og svo er hérna ein mynd af mér, Dóru, Kristínu og 2 dönskum strákum, greinilega mikið stuð hjá okkur!



En allavega þá var mikið stuð, fórum niðrí bæ eftir partýið hérna og á leiðinni heim stoppuðum við á McDonalds og ég borðaði 2 ostborgara, miðstærð af frönskum, stóra kók og ís með súkkulaðisósu! :p hehehe

Og talandi um át, vorum að enda við að koma úr bænum, fengum okkur að borða í tilefni þess að Sigríður á afmæli á morgun, ég fékk mér nachos í forrétt og í aðalrétt var svo piparsteik með frönskum, bakaðri kartöflu, grænmeti og brauði og núna er ég gjörsamlega að springa! :p hehe

Jæja, ætla að fara að sofa... Bæbæb

Höf Hrafnhildur
Dags sunnudagur, ágúst 27, 2006
Klukkan 20:16
Skoðanir:
 
 

Blogg dagsins - mér er hér með illa við vespur!

Já helvítis vespurnar (eða geitungarnir eða hvað sem þið viljið kalla þetta), þær eru allaveg EKKI vinir mínir lengur!! Helvítis fíflin eru víst bara drinking and flying hérna, eru kolvitlausar af öllum gerjuðu ávöxtunum og eru út um allt og innum allt! Og eitt fíflið stakk mig í dag! Undir hendina! Djöfull sem það er vont!!

Annars þá var svakastuð í morgun, fór á kajak í nýja gríðarlega flotta blautbúningnum sem ég er með í láni út önnina. Það var æðislegt veður og alveg frábært að skella sér á sjóinn! Eftir hádegi fór ég svo í golf, og ég er búin að komast að því að það er leiðinlegt! Ekki bara vegna þess að það eru margar vespur þarna heldur vegna þess að ég sökka feitast í því! Er að því tilefni að hugsa um að skipta og fara frekar í go'stil og læra hvernig á að vera svaðaleg pæja! :p

En allavega þá er ég líka farin að læra á gítar, fyrsti tíminn í dag og þar sem ég var svo gríðarlega góð þá fékk ég gítar númer 1! og þurfti ekki að hanga með algjöru byrjendunum :p hehe Það verður fínt að kunna á gítar, þá get ég kannski spilað bara sjálf undir þegar ég tek upp lagið sem ég þarf að semja í song and songwriting tímunum sem ég er í (jább, þarf að semja lag og svo hljóðrita það á cd! :)

En allavega, til fróðleiks þá á ég afmæli á MORGUN! ætlast til að fá fullt af sms-um og svona ;) (í danska númerið offkors! :p)

en jæja, ætla að horfa á clueless, bæ folks

Höf Hrafnhildur
Dags fimmtudagur, ágúst 24, 2006
Klukkan 17:24
Skoðanir:
 
 

Blogg dagsins - Íslenska mafían

Já þar höfum við það, Íslendingarnir komnir með viðurnefni, Íslenska mafían (ekki slæmt :p)

Ég er búin að gera heilan helling í dag, það var semsagt friluftsliv dagur, byrjuðum á því að skella okkur í klifur, það er klifurturn hérna rétt hjá og við klifruðum á honum, það er tricky að klifra en ég held samt að það sé auðveldara en maður ímyndar sér, og það er mjög gaman! ;)

Að klifrinu loknum hjóluðum við svo aftur í skólan og svo niður að sjó, þar máttum við troða okkur í blautbúninga og svona blautbúningaskó (og það er sko ekkert grín að troða sér í þetta!) og svo fórum við í pörum útá sjó með 1 stk kajak og vorum að æfa okkur að velta og hoppa uppá, mjög sniðugt allt. Dóra (ein úr íslensku mafíunni) var með mér í pari og hún er algjör hrakfallabálkur, tókst að reka hausinn 2svar í kajakinn og er með svaka flotta kúlu á enninu. Hún bætti svo um betur á leiðinni heim og flaug af hjólinu sínu og fékk skrámu á hökuna og hendurnar! Algjör snillingur! :p

Á morgun verð ég svo í tennis allan daginn, fróðlegt að vita hvernig það gengur! Svo er ég að hugsa um að skella mér í bæinn vegna þess að við vorum svo seint á ferðinni á laugardaginn að ég gat ekki keypt mér neitt sem mig vantaði! (tókst samt reyndar að kaupa mér hettupeysu :p)

En jámms, that's it folks

Höf Hrafnhildur
Dags mánudagur, ágúst 21, 2006
Klukkan 16:37
Skoðanir:
 
 

Blogg dagsins - full?? neineinei, ég er BLÁedrú!!

Jæja, núna er semsagt velkom festival, hér eru allir blindfullir og á balli í skólanum (snilld að hafa böllin bara hér!) Bjórinn er ódýr, flaskan kostar 120kr ísl og breezer 240 kr ísl. (sem er nottlega ekkert verð miðað við að þetta er á barnum!). 40 km sem ég var að tala um í fyrrdag urðu 70 km!! Við semsagt hjóluðum 50 km í gær og svo ca. 20 í dag! Við sváfum í einhverju kofaskrifli í nótt, ég var ekki einu sinni með dýnu þannig að ég svaf nánast ekkert! Nokkrir gaurar fóru og keyptu bjór, keyptu 4 kassa! Ég drakk tæpan líter af bjór og ég var verulega mikið full!! Enda þreytt eftir allt ferðalagið! En já, ég kom semsagt hingað upp til að ná í pening fyrir breezer, og til að komast í smá kulda, það er svo viðbjóðslega heitt þarna inni að ég er rennandi blaut af svita!!! (ekki mjög gott!) Á morgun er svo planið að fara nid i byen! Fórum þangað í dag og þetta virkar mjög skemmtilegur miðbær! Mig bráðnauðsynlega vantar skó og svo fleiri boli, örugglega hægt að kaupa það í miðbænum!!

En já ég er farin aftur út til fyllibyttnana!! Þannig að ég segi bara SKÅL! ;)

Höf Hrafnhildur
Dags föstudagur, ágúst 18, 2006
Klukkan 20:29
Skoðanir:
 
 

Blogg kvöldsins - Lífið í Århus

Jájæja, núna er semsagt kominn miðvikudagur, margt búið að gerast, ég er búin að prufa tennis og fá dagskránna fyrir útivistina, eða friluftsliv, eins og danirnir kalla það :) Mér fannst gaman í tennis þrátt fyrir að ég sökkaði og friluftsliv-ið er mjög spennandi! Við lærum á kajak, hvernig á að klifra, "lærum" á fjallahjól og svona og svo förum við í 3 daga kajakferð og 6 daga hjólaferð þar sem við hjólum til Svíþjóðar, hjólum allt í allt milli 5 og 600km! (Maður verður kominn í heví form) Já og svo má nottlega ekki gleyma því að í lok annarinnar (semsagt í desember) þá fer hver og einn aleinn útí skóg og þarf að eyða þar 16 klukkustundum! Og maður má ekki hafa með sér klukku eða síma eða neitt!!

Á morgun förum við í útilegu, erum í 6-9 manna hópum og þurfum að hjóla einhverja 40 km og sofum svo einhversstaðar og gerum eitthvað (óvissuferð sko..) svaka spennó, verður örugglega gaman! Ég er í hóp með Dönum og svo verður ein skosk með okkur (sem þýðir að ég verð farin að tala með skoskum hreim á sunnudag!)

En já að lokum langar mig að hneykslast á Dönum og Grænlendingum. Við erum í ÍÞRÓTTAskóla, hreyfum okkur mikið, borðum hollan mat, förum snemma að sofa... En nei! Danirnir og Grænlendingarnir REYKJA eins og þeim sé borgað fyrir það!!! Veit þetta fólk virkilega ekki að reykingar draga ekkert smá úr þoli!?! Jahérna hér, og til að toppa þetta þá er þetta sko fyrsta árið núna sem reykingar eru ekki leyfðar inni í byggingunum! vírdós... en jæja, svona er þetta víst..

Jæja þurrkarinn hlýtur að fara að verða búinn þannig að ég ætla að ná í fötin mín ;)

Over and out!

Höf Hrafnhildur
Dags miðvikudagur, ágúst 16, 2006
Klukkan 20:09
Skoðanir:
 
 

Mynd dagsins - frægur?

Jæja, hérna kemur myndin af hugsanlega fræga manninum... ekki mjög góð, enda er ekki þægilegt að vera að stalka fólk og geta því ekki notað flass... en allavega, einhverjar hugmyndir?



Annars þá er ekkert nýtt, erum bara búin að vera að kynnast öllu draslinu hérna og kennurunum og svona... Er reyndar svo þreytt að ég nenni ekki segja frá því... :p

Ooog til fróðleiks þá er nýja símanúmerið mitt +45 50 52 01 63

Höf Hrafnhildur
Dags mánudagur, ágúst 14, 2006
Klukkan 17:28
Skoðanir:
 
 

Blogg dagsins - beint frá Danaveldi

Jæja já, þá er ég komin í holuna hérna í Idræthojskolen Århus, já herbergið er algjör hola og það er eins gott að mér semji við þá sem verður hérna með mér! :p

Annars þá hefur þetta verið ágætis ferð, byrjaði á því að fara í flugstöðina í Keflavík og sá þar mann sem er örugglega frægur, hef samt ekki grænan grun um hver hann er en ég gerðist samt stalker og tók mjög laumulega mynd af honum, set hana hér inn í kvöld eða á morgun... ;) Flugið gekk svo átakalaust fyrir sig fyrir utan það að við komumst ekki út úr vélinni í kastrup! Brúin bilaði eitthvað og við máttum dúsa í vélinni í steikjandi hita í korter áður en við komumst út!

Jæja svo skellti ég mér uppí næsta leigubíl, sagði honum að keyra með mig beint á Kastrupvej 53 og þangað fór hann með mig, honum fannst þetta reyndar frekar undarlegt, fann bara Kastrupvej 56 og svo Kastrupvej 51. Þá kom í ljós að Kastrupvej 53 er KIRKJUGARÐUR!! Já hverjum öðrum en mér tekst að segja vitlaust þannig að ég lendi í kirkjugarði!! Ég komst svo að því að ég var víst að fara á Kastrupvej 156 *roðn*. Þetta var samt allt í lagi, fékk bara smá útsýnisferð um Amager og leigubílstjórinn skemmti sér konunglega, sagði að það hefði enginn áður reynt að sannfæra hann um að viðkomandi ætlaði að eyða nóttunni í kirkjugarði :p

Þegar á Kastrupvej 156 var komið beið mín þvílíka höllin (not), pínulítið hjólhýsi sem var ekki einu sinni hægt að loka almennilega! Þetta var samt mjög ódýrt og allt í lagi fyrir svona eina nótt. Ég fór samt ekki strax að sofa þegar ég kom, skellti mér á tónleika með Gavin DeGraw í tívoí. Fór ég ein? Nei aldeilis ekki! Fór með gaur sem heitir Gunnar, já ég veit bara ekkert meira um hann! (Nema að hann vann fyrir sér eitt sumar með því að syngja og spila á strikinu). Þessi náungi semsagt bjó þarna á gistiheimilinu og spurði mig hvort ég vildi ekki bara koma með honum! Jújú, hversvegna ekki!

Laugardagur, það var rigning! Mígandi rigning!! Ég lét mig samt hafa það og skellti mér á strikið. Rölti þar eina ferð upp og niður og kíkti aðeins í búðir, gerði engin stórinnkaup, keypti mér eitt puma belti. Síðan fór ég með lestinni til Århus kl 4. Ég hefði reyndar misst af helv. lestinni ef ég hefði ekki séð Ingveldi og Sigríði inní einum vagninum. Ég átti nebblega að vera í vagni 22 en var komin alveg lengst út í rassgat að vagni 72!! Svo ætlaði ég að fara til baka en þær stöllur voru í vagni 72 þannig að ég stökk uppí hann oooog lestin fór af stað rétt eftir að ég var komin í hana! Ég átti sko pantað sæti í vagni 22 og stelpurnar í vagni 8 þannig að það var fínt að við vorum bara allar í 72 :p

Jæja lestarferðin tók rúma 3 tíma og þegar við komum út vorum við með sjúklega mikið af drasli, þ.e. ég var með mín 25 kíló en þær með sín 70 kíló! hehe þannig að við ákváðum nú að taka leigubíl, það voru margir margir leigubílar fyrir utan lestarstöðina og margir af þeim með stór skott en NEI! það neituðu okkur 5 leigubílstjórar!!! Svo var einn svo góðhjartaður að hann samþykkti að keyra okkur, við tróðum inn draslinu og sátum með það sem komst ekki í skottið en það var samt ágætt. Fórum síðan að leyta okkur að matsölustað eftir að við vorum búnar að koma draslinu fyrir og enduðum á mcDonalds sem er btw í 4 km fjarlægð!! Eignuðumst svo vini á bensínstöðinni við hliðinaá á meðan við biðum eftir taxa (nenntum ekki að labba til baka í brjáluðu rigningunni) Þurftum reyndar að bíða í klukkutíma eftir helv. leigubílnum!

Núna ætlum við svo að skella okkur í Ikea, það er bongó blíða og örugglega fínt að rölta þetta.. Heyrumst!

Höf Hrafnhildur
Dags sunnudagur, ágúst 13, 2006
Klukkan 10:33
Skoðanir:
 
 

Mynd dagsins - kaos



Staður: Borgarfjörður eystri
Stund: 05.ágúst 2006

Höf Hrafnhildur
Dags fimmtudagur, ágúst 10, 2006
Klukkan 18:44
Skoðanir:
 
 

Blogg dagsins - á sjóóóóó

Jæja ég er stödd á Borgarfirði eystri. Kom hingað á aðfaranótt laugardagsins eftir laaaaangt ferðalag! Fór fyrst með Þórunni á Akureyri og frá Akureyri til Egilstaða með Lindu (í sparisjóðnum) og svo sótti mútta mig til Egilstaða. Þetta ferðalag tók allt í allt einhverja 8-9 tíma! (úff) Í gær skelltum við okkur svo á sjó. Það var bongó blíða og við fengum lánaða pínkulitla kænu og skelltum okkur hér út á fjörðinn. Addi var skiptstjóri og við mútta veiddm. Okkur mömmu kom samt saman um að við værum komnar út á rúmsjó og að ölduhæðin væri 5 metrar plús! Við fundum svo góða veiðiauðlind sem kallast víst hraungarður. Tókum þar eitt rek (eins og sjómennirnir segja) og veiddum marga marga þorska á færi. Ég veiddi stærsta þorskinn sem var alveg svoooooooooooooooooona stór. Mamma var svo orðin sjóveik þannig að við ákváðum að drífa okkur bara í land (ég var btw ALLS EKKI sjóveik og alveg ALLS EKKI græn í framan!) Stoppuðum svo nokkrum sinnum á leiðinni og renndum fyrir fisk. Mútter veiddi ekkert þar en ég veiddi nokkra þorksa og eina ýsu :) (Hún verður í matinn á þriðjudag). Í dag var er svo bara búin að vera þoka og súld þannig að mér hefur ekkert tekist að jafna brúnkuna sem einhverra hluta vegna er frekar skjöldótt...

En jæja, myndir koma síðar... Yfir og út

Höf Hrafnhildur
Dags sunnudagur, ágúst 06, 2006
Klukkan 20:12
Skoðanir:
 
 

Eitthvað dagsins

Jæja, þá eru nákvmælega 9 dagar þangað til ég fer til Danaveldis. Og ég á bara eftir að vinna 4 daga! Ég er aðeins byrjuð að taka til dótarí til að taka með mér. Annars þá er ég nú eiginlega ekkert spent en ég er samt ekki kvíðin... (vírd) Það verður margmenni á flugvellinum á sama tíma og ég þar sem Ingveldur og Sigríður vinkona hennar fljúga út hálftíma á eftir mér og Stína sparisjóðsstarfsmaður flýgur til Noregs 3 korterum á eftir mér. Ég er að hugsa um að mæta snemma á völlinn og prufa að fara í Saga lounge salinn af því að ég á svona priorety pass ;) Get þá svolgrað í mig ókeypis áfengi og fengið mér frítt að éta :p hehe

Þegar ég kem til Danmerkur verður hægt að ná í mig í gegnum e-mail, hlh313@hotmail.com eða í síma (er ekki búin að fá mér númer). Og svo er nú alveg hægt að senda mér bara snigla póst ;)

En já ég er komin með rugluna, ætla að fara að gera eitthvað annað en að rugla...

Höf Hrafnhildur
Dags miðvikudagur, ágúst 02, 2006
Klukkan 11:15
Skoðanir:
 
 
 
free html hit counters
Dicks Sporting Goods Store
web statistic