Endurminning dagsins
Það var ca árið 1989 og ég var u.þ.b. 5 ára. Ég var á Sólbakka, í góðu yfirlæti eins og venjulega hjá ömmu og afa. Ég man nú ekki nákvæmlega atburðarrásina en allavega atvikaðist það þannig að amma gaf mér þessa forláta styttu, portret af kvenmanni sem var með bleikum ámáluðum hatti og bleikum fjaðratrefli. Mér fannst þessi stytta að vonum æðislega flott! Einhverra hluta vegna fór það svo að amma sagði við mig að þetta væri "svona tombólustytta" og þar sem ég hef nú aldrei verið mikið fyrir það að spurja nákvæmlega út í hlutina sagði ég bara "jájá". Það sem amma vissi hinsvegar ekki var að ég hafði hreinilega ekki hugmynd um hvað tombóla var! Því fór ég nú að skoða styttuna í von um að komast að því hvers vegna þetta væri "tombólustytta". Það eina sem mér fannst athugavert við hana sem gæti bent til þess að vera "tombóla" var að það var gat neðan á styttunni og hún var hol að innan. Olli þessi styttugjöf því miklum misskilningi hjá mér í mörg ár eftir þetta þar sem ég var viss um að tombólustyttur væru þær styttur sem væru með gat á botninum.
Hahaha.... þú hefur greinilega ekkert breyst.... alveg jafn rugluð :op
Alger snilld, ..tombólustytta. Mikið búið að hlægja að þessum misskilningi í familíunni ;)
Hahahahahaah!!!!!!!!! Þetta er bara álíka og þegar ég hélt lengi vel að norðurljósin væru eitthvað á Akureyri ;p
hehehe, já þetta var skemmtileg saga :p en sunna þú verður að hætta þessu anonymous kjaftæði! ég reyndar svosem þekki alltaf það sem þú ert að skrifa :p
ahahahaha snilld.. Tombólustytta.. og að Norðurljósin væru bara eitthvað á Akureyri. Snillingar.