I am the it girl

Ég hlakka til sumarsins. Er farin að sakna þess þegar það er bjart á nóttunni! Mér finnst þessi snjór ekkert sérlega skemmtilegur til lendar...

Annars þá er ég skrítin (bara svona ef fólk vissi það ekki) Er orðin svo gömul að ég vakna alltaf um 9 leytið um helgar. Samt get ég engan vegin vaknað fyrir 9 á virkum dögum til að fara í vinnuna! Skrítt

Svo fyrir áhugasama þá er ég með nokkrar myndasíður. Linkar á nokkrara þeirra í "Annað áhugavert" og svo er ein aðeins neðar þar sem stendur myndasíða, þar er smellt á eina af myndunum og þá lendir maður á síðunni...

Jæja, hér er svo allavega bráðskemmtilegt vídjó - það verður að vera kveikt á hátölurunum...

Jú þá er kominn 12 mars og þá er alveg tilvalið að blogga..
Um helgina þá fór ég á Akureyri. Við mamma fórum á skíði á laugardaginn og hvorug okkar datt. Ég er mun betri á skíðum á Akureyri en í Austurríki enda var held ég engin brekka í Hintertux jafn flöt og brekkurnar í Hlíðarfjalli..

Annars er það helst að það flæktist inn kettlingur í kjallaran hjá mútter. Henni tókst að veiða hann eftir nokkra daga og þá kom í ljós pínkulítið og horað grey! Hann er nú í strangri fitun hjá þeim þarna fyrir norðan og fær meðal annars lýsi á hverjum morgni! Kisugreyið er samt hálf hræddur við allt og alla en er þó allur að koma til. Við kisi ákváðum samt að vera bara ágætis vinir og því til sönnunar er hér mynd.



Svo er hérna önnur mynd af Hnoðra


Jább... Svo bara brunaði ég vestur á sunnudaginn.. Tókst samt að vera auli aulanna, skrúfaði niður rúðuna á nissaninum hans afa á leiðnni til að taka mynd. Mundi það svo, mér til mikillar skelfingar, að hún á það til að festast niðri!! - sem hún og gerði. Þetta hefði ekkert verið sérlega aulalegt nema af því að fyrr um daginn hafði ég farið í bílalúgu til að kaupa hamborgara og passaði mig sérstaklega vel á því að skrúfa EKKI niður rúðuna! hehe svona getur maður verið vitlaus!

Jebb þetta er ég, leiddist pínkulítið :p