Blogg dagsins - Dóminíska
Já, nú er svo komið að ég nenni engan vegin að blogga! Það gerist svo fátt í hversdagsleikanum hérna á Hvammstanga að það er ekkert til að blogga um! Var eitthvað að kvarta undan þessu um dagin og var bent á að ljúga bara einhverju, það væri skárra en að blogga ekki neitt :p
Ég er nú að hugsa um að sleppa því að ganga svo langt alveg strax, á ennþá eftir að gera upp jólaferðina góðu! Hún var auðvitað snilld í alla staði og mér fannst alveg dásamlegt að liggja í sólbaði niðrá strönd á aðfangadag og hlusta á Good Morning lagið (klárlega lag ferðarinnar!)
Dóminíkarnir eru ekki mikil jólabörn þannig að það var ekkert sérlega hátíðlegt á aðfangadagskvöld.. allir íslendingarnir voru jú í sínu fínasta og svo voru ísskúlptúrar á hlaðborðinu. Áramótin voru talsvert meiri hátíð þarna, þeir voru aftur með ísskúlptúra og svo var svakalegur matur! Smakkaði bestu nautalund sem ég hef smakkað! Klikkaði reyndar alveg á að taka eftir nafninu, þetta var eitthvað something something style nautalund… mjöööög gott :) Mútter fékk sér svo humar og addi stóð í skelfisknum :p Held að Sunna hafi nú bara haldið sig við kjúkling og kalkún.
Það sem stendur uppúr eftir þessa ferð er semsagt:
Gamlárskvöld
Trukkaferðin, ég var með strengi í hendinni daginn eftir eftir að hafa veifað öllum börnunum sem hlupu út úr húsunum til að vinka okkur! Meira að segja litlu börnin sem hafa varla verið farin að tala komu út alsber og vinkuðu :p Þetta var góð ferð til að fá örlitla innsýn í líf fólksins þarna.
Paradísareyjan, það var samt eiginlega best þegar marglyttan réðst á rassinn á mömmu! Hehe og allir innfæddu karlarnir vildu ólmir fá að spreyja ediki á brunann :p
Fiðrildin! Í öllum regnbogans litum! :)
Pizza hut. Margfalt betra en á Íslandi. Ferskur ananas er snilld á pizzur ;)
Skartgripirnir
Ocean World og þá sérstaklega að klappa höfrungunum, höfrungar eru krútt :p
Kjúklingurinn, hrísgrjónin og baunirnar.
Já og örugglega margt fleira, enda snilldar staður! Verst hvað það var skuggalegt að fara inní bæinn Puerto Plata, hann er hálf skerí eitthvað… :s
Anyway.. þá held ég að ég sé nú búin að segja frá þessu helsta í sambandi við Dóminíska, ég þarf svo að setja inn myndir þegar ég kemst í almennilega nettengingu :)
Við mamma erum svo á leiðinni til Danaveldis ekki á morgun heldur hinn. Það er stífplönuð dagskrá hjá okkur frá fimmtudegi til sunnudags. Fyrst ætlum við að skoða Den grafiske hojskole sem er staðsettur í Kaupmannahöfn, svo skoðum við Danmarks design skole í Kolding og svo er planið að kíkja í nokkrar búðir og jafnvel skreppa til Þýskalands með Helgu ;)
Hér er svo ein mynd af playa dorada ströndinni sem ég rændi af Sunnu :)
