Blogg dagsins - Morðóði þrösturinn
Ég lifi í ótta. Ég bý í stofufangelsi. Mér er ekki óhætt að fara út úr húsi. Hundinum er ekki óhætt að fara út úr húsi. Kettinum er ekki óhætt að fara út úr húsi. Hvers vegna? Það er morðóður þröstur í garðinum! Hann fylgist með hverju fótmáli okkar íbúanna og ef við svo mikið sem stingum hendi út um gluggan þá reynir hann að ráðast á okkur. Ég þurfti að hlaupa út í bíl í morgun meðan fuglinn elti mig með viðeigandi skrækjum og öskri! Þessi illska á sér þó skýringu. Þrösturinn er með hreiður fyrir sunnan hús og í því húka 4 litir ungar. Allt gerir maður þó fyrir eina mynd. Ég lagði mig í lífsháska í gær og fór út með myndavélina að vopni.
Ég get upplýst við þessa bloggfærslu að ég lagði myndina af þrestinum fram á kaffistofunni sem getraun dagsins "hvaða fuglategund er þetta" flestir voru á því að hér væri fálki á ferð, einn sagði örn og einn sagði illfygli :-)