I am the it girl

Jú góða kvöldið.

kl er 00:33 og ég er að reyna að hafa mig í það að skella mér á ball á kaffi síróp. Ég ákvað að prufa nýja tækni, leggja mig milli 9 og 10 og svo er planið að mæta á ball milli 1 og 2, þá verð ég kannski ekki fyrsta manneskjan til að fara heim eins og vanalega! Það er þvílíkur stíll yfir mér, ég sit heima, ekki komin í djammgallan og er að drekka blöndu, sem ég hélt að yrði verulega vond en reynist svo bara vera ágæt, Bacardi razz + vodki + poweraid orange á klaka.

Annars þá er það helst í fréttum að í dag þá tók ég mig til og hjólaði í Brún, það eru 20 km þangað og af þessum 20 km var ég með vindinn í fangið 14 km. Og við erum ekki að tala um einhverja 2-3 m/s heldur rok! Plús að leiðin í brún er ca 80% brekka uppímót! Dásamlegt! Ákvað að fyrst ég var búin að láta mig hafa þetta helv rok og allar brekkurnar að ég þyrfti að hjóla til baka með vindinn í bakið og niður brekkurnar! Það tók líka talsvert styttri tíma og var mun auvðeldara, fyrir utan þessa 6 km sem ég var með vindinn í fangið, þá lá við að ég færi afturábak en ekki áfram. Semsagt 40km hjólatúr í dag.

Á þriðjudögum og fimmtudögum spilar úrvalslið kvenna hér á svæðinu fótbolta. Það hefur verið ágætis mæting, alltaf um 8-10 stúlkur. Gríðarlegt stuð. Erum að sjálfsögðu næstum "pro" og ætlum að kaupa okkur liðs-búninga. Það var mikið rætt um hvað liðið ætti að heita og var slagur á milli þess hvort við ættum að heita "Gay bastards" eða "VSOP", ég held að VSOP hafi haft yfirhöndina, ég samþykkti það a.m.k. með því skilriði að það yrði skrifað "Bite Me" á rassinn á buxunum :p

Fleiri fréttir? Jú ég er búin að taka þá ákvörðun að vinna í Sparisjóðnum á Hvammstanga í ár í viðbót, þ.e. til haustsins 2008. Þá er nú stefnan að fara í skóla, verð vonandi búin að ákveða hvað ég vil verða þegar ég verð stór þá! Það eru eflaust einhverjir í Reykjavík og víðar svekktir yfir því að ég ætli að hanga hér áfram í þessum útnára en þeim vonandi til mikillar gleði þá er ég að hugsa um að flytja heim til ömmu og afa og fjárfesta í bíl til að ég komist nú öðru hvoru af svæðinu. :)

Hmm, ætli það síðasta sé ekki að það eru "bara" 179 dagar þar til við förum til Dóminíska lýðveldisins! :D

ú! ég gleymdi samt næstum því mikilvægasta! Fjárfesti í myndavél um daginn, Nikon D70, voða voða fín! Er enn að læra á hana en hérna kemur smá sýnishorn (notaði btw ca 25 ára gamla linsu sem mútter á):

Jú sæl!

Jæja, ætli það sé ekki rétt að blogga sem snöggvast. Það er svosem ekki mikið að gerast í mínu lífi enda renna allar vikur saman í eitt þar sem þær eru allar eins!

Við Sigrún erum samt gríðarlega duglegar og byrjaðar að æfa okkur eftir bootcamp bókinni, erum búnar að fara einu sinni. Ætlum aftur á morgun.
Svo er byrjaður fótbolti hérna á Hvammstanganum. Fullt af hressum stelpum að sparka á milli sín bolta. Reyndar þá held ég að Sveinbjörgu sé eitthvað illa við mig, hún er alltaf að hlaupa á mig eða sparka í mig boltanum! hehehe

Annars þá er það nýjasta nýtt í fréttum að ég og mútter og Addi vorum að panta okkur útlandaferð! Já og hana nú og hafiði það! Þetta verður í annað skipti sem ég fer í sólarlandaferð og ég hef aldrei farið í jafn langt frí erlendis og aldrei farið jafn langt fyrst út í það er farið! Þetta er æsispennandi, reyndar er flugið ekkert rosa spennandi, tekur 10-11 tíma! ooog núna eru sennilega einhverjir orðnir forvitnir um hvert skal haldið, jú hvorki meira né minna en til Karabíska hafsins! Ætlum semsagt að vera í 2 vikur um jól og áramót í Dóminíska lýðveldinu!

Hér er svo smá kort, svona til að sýna hvar þetta er (Í miðjunni, fjólublátt, DOM. REP. - stærra ef maður klikkar á myndina):



Já og svo ein svona mynd af strönd þarna ;)



En já, núna er ég hætt að hugsa um þetta þangað til í svona október! (alltof alltof lang til jóla!)

Annars er svosem fátt nýtt, jú það eru komnar yfir 100 myndir á flickr myndasíðuna mína

Smá sýnishorn



Jæja, ég er farin að baka pizzu!
Ciao