I am the it girl

Já smá updeit!
Þetta hefur gerst síðan ég bloggaði síðast:

*kötturinn er nú orðinn 4.6kg, hann er ekki nema 8 mánaða.
*Ég er búin að fara tvisvar í klippingu hjá Þóru. Í fyrra skiptið fékk ég strípur og skakkan topp og er nún með beinan síðan topp og dökkt hár, mjög flott!
*Ég flutti til Þóru í Sóleyjarimann
*Ég skrifaði undir leigusamning og flyt á Holtsgötu í byrjun jan.
*Ég "fótbraut" mig - þ.e. fékk undarlegan verk í löppna og komst að því 3 mánuðum seinna að þetta væri álagsbrot = hárfín sprunga í beini sem kemur út frá tá nr 2. Ég finn ennþá til núna 4 mánuðum seinna!
*Fékk lánaðan Guitar Hero hjá systkinum mínum og var að byrja í erfiðu lögunum þegar ég ákvað að skila honum aftur :p
*Er að hugsa um að fá mér annan kött, svona sem félagsskap fyrir skugga. Langar helst í sphynx kött en tími nú ekki alveg að borga 200þús kall :p
*Er núna í prófum og hef ekki grænan grun hvort ég næ eða ekki! og ég veit ekkert hvað ég ætla að gera ef ég næ ekki!

Hmm man ekki eftir fleiru í bili

Úff mér er það lífsins ómögulegt að fylgjast með í lífmælingum. Skil ekki svona stærðfræðikjaftæði sem þarf endalaust að vera að flækja með einhverjum táknum og undarlegum "aðferðum" og í þokkabót nota svo undarlegt forrit til að reikna! Afhverju ekki bara að hafa þetta eins einfalt og það getur verið og nota excel?!?! skil þetta ekki.

Annars þá fjárfesti ég í gær, ekki í pizzaofni reyndar heldur krufningarsetti! jájá krufningrsetti! Ég reyndar fæ ekkert að kryfja strax! Hélt að það yrði á næstu önn en það verður sennilega ekki fyrr en á þarnæstu... En ég get samt alveg notað tengurnar í grasafræði sko ;p Af því að ég er netsjúk þá fór ég að sjálfsögðu á heimasíðu fyrirtækisins sem framleiðir þessar græjur (btw, bandarískt/pakistanskt fyrirtæki) og sá þar að þetta fína krufningarsett er það dýrasta hjá þeim og er ætlað fyrsta árs læknanemum :p Þetta er voða fínt, í svona "pennaveski"! og að sjálfsögðu er mynd af því á síðunni hjá drinstruments.com þannig að ég ætla að pósta henni hérna ;)

Þeir sem þekkja mig vita eflaust að mér finnst pizzur gríðargóður matur og gæti sennilega lifað á svoleiðis alla daga. Pizzur og pizzur eru nefnilega ekki það sama og geta verið mjög fjölbreytt fæða, það er hægt að búa þær til sjálfur frá grunni, kaupa frosnar útlenskar nú eða kaupa tilbúinnbotn og raða svo á hann góðgæti eftir eigin smekk. Eitt eiga þó allar þessar pizzur sameiginlegt og það er að það þarf að baka þær í ofni! Nú er svo komið að gríðarfína íbúðin okkar Ástu er ekki búin slíkum munaði og því er okkur lífsins ómögulegt að baka pizzur (nema með því að fara einhvert í heimsókn). Ég fór því að skoða svona gríðartæknilega pizzaofna á netinu og nú er það mín spurning til ykkar, er þetta peningasóun? Einhverjar tegundir sem þið mælið með frekar en aðrar? Einhver góð ráð?

Hér er eitt stk myndband af honum Skugga. Nú er skuggi orðinn 4 mánaða og heldur að hann sé fullorðinn.

Þeir sem eru viðkvæmir eða hneikslast auðveldlega eru vinsamlegast beðnir að ýta EKKI á play ;)

Já nú er ég búin að búa í borg óttans í 5 daga. Ég get nú ekki sagt að ég hafi gert margt á þessum 5 dögum... Jú reyndar byrjaði auðvitað skólinn á mánudag og mér lýst nú bara nokkuð vel á :) Verður sennilega frekar strembið en nokkuð áhugavert bara :)

Síðustu 2 sólarhringa er ég búin að hjóla samtals vel yfir 30 km! Svona til nánari útskýringa þá skrapp ég í skeifuna og "kom við" á bakaleiðinni í kringlunni... Svo fór ég í glæsibæ og "kom við" í Holtagörðum á leiðinni til baka. Og svona til að þess að hafa það á hreinu þá bý ég á Lindargötu, beint á ská fyrir neðan Regnbogan.
Þetta er hin besta hreyfing og bráðskemmtilegt að hjóla hérna í Reykjavík. Að vísu finnst mér hálf hallærislegt að það eru í rauninni engar skýrar reglur fyrir hjólreiðafólk! Á einstaka stað eru sérstakir hjólastígar en þeir eru þó afskaplega sjaldséðir. Þannig að þá er spurningin um hvort maður á að hjóla á gangstéttinni eða götunni. Mér finnst það ekki sanngjarnt gagnvart gangandi vegfarendum að maður hjóli á gangstéttinnin en á móti kemur að það er alls ekki sanngjarnt gagnvart hjólreiðafólkinu að henda því útá götu! Ég hef nú bara reynt að gera það sem hentar best hverju sinni og bið þess og vona að ég verð ekki keyrð niður af brjáluðum bílstjóra :p

Að öðru, mig vantar ýmislegt, helst ber að nefna utanyfirflík. Ég get ekki ákveðið mig hvort ég eigi að fá mér úlpu eða jakka! Langar annarsvegar í cintamani dúnúlpu og hinsvegar í cintamani jakka sem er vind og regnheldur. Dúnúlpn er að sjálfsögðu mun hlýrri en nýtist sennilega ekki yfir sumartíman. Jakkinn er afturámóti ekki nálægt því eins hlýr en hægt að nota hann allt árið - með því að vera t.d. í flíspeysu innan undir á veturna... Hmm erfitt erfitt, einhverjar ráðleggingar?




(ég btw myndi samt fá mér þá svarta dúnúlpu...)

Jú góðan dag

Hér er skýjað og gola, í gær var skýjað og logn.. bara svona ef einhver hefði áhuga...

Ég á eftir að vinna 1 dag í vinnunni.. á morgun þarf ég að koma með köku í vinnuna en ég hef bara ekki hugmynd um hvernig köku ég á að baka! kannski hringi ég í Rögnu og fæ skúffukökuuppskrift og geri svoleiðis :)

Flyt í bæinn á föstudag/laugardag, fer eftir því hvernig ég fer suður.. Er reyndar með svo hrikalega mikið drasl að ég er ekki viss um að ég nái að fara með það allt í einni ferð!

Ég hefði ekki átt að selja bílinn! var búin að stóla á að komast frítt í strætó en neinei þeir sem koma frá landsbyggðinni fá ekki frítt í strætó! spurning hvort ég geti dílað við Húnaþing Vestra um að borga fyrir mig strætókort hmmm

Hef ákveðið að vera rosalega menningarleg og taka þátt í árbók íslenskra áhugaljósmyndara. Þetta gengur sumsé út á að allt að 120 íslenskir áhugaljósmyndarar taka sig til og búa til eitt stk bók sem er svo til sölu og ágóðinn rennur til einhvers góðs málefnis. Hver ljósmyndari fær eina opnu og getur annaðhvort sett inn 1 stóra mynd eða 2 minni. Ég reyndar veit ekkert hvaða myndir ég á að setja! allar hugmyndir vel þegnar :)

Það er ennþá skýjað og smá gola.

Mig dreymir undarlega á nóttunni! Ekki að það sé eitthvað nýtt en þetta er nú mis mikið rugl. Síðustu 2 nætur hef ég verið roooosalega upptekin við að versla og hitta gamla skólafélaga!

Í fyrrinótt var ég í kaupfélaginu á Hvammstanga að versla fyrir einhverja veislu. Ég átti að kaupa ís og meðfylgjandi. Ég skoðaði og skoðaði og spáði og spekúleraði og velti mikið fyrir mér hvernig ís ég ætti að kaupa. Á meðan þessu stóð hitti ég allar stelpurnar sem voru mér í grunnskóla. Við fórum að spjalla og voða gaman og svo sá ég að ein þeirra var með barn með sér sem ég hafði ekki hugmynd um að væri til! Drengurinn var ca 5 ára og með mjög rautt hár, komst svo að því að það vissi enginn af hinum stelpunum (nema auðvitað móðirinn) að hann hefði komið í heiminn þarna ca 5 árum fyrr. En allavega ég kippti mér nú ekkert uppvið þetta og hélt áfram að kaupa ís, var samt ekki sátt við kaupfélagið þegar það ætlaði að rukka mig um 4.756kr fyrir 1 og hálfan líter af vanilluís á meðan 1 og hálfur líter af súkkulaðiís kostaði ekki nema 1.890...

Nú svo í nótt þá var ég í partýi og þar voru m.a. stelpurnar sem voru með mér í danmörku! Við vorum sumsé með hitting og ætluðum að elda og hafa gaman. Ég var svo send í búðina til að kaupa efni í piparsósu og einhverja aðra sósu. Verst að það tróð sér heil rúta af fólki með í verslunarferðina en hún gekk þó furðulega fljótt fyrir sig. Ég hafði miklar áhyggjur af því að vera alltof lengi af því að kjötið og kartöflurnar voru komnar inní ofn! Að vísu var ekkert til í búðinni þannig að ég endaði með hálfan piparost til að búa til piparsósu úr og svo duft fyrir hina sósuna sem ég ætlaði að blanda útí súrmjólk!
Allavega, svo var ég komin aftur í partýið - sem einhverra undarlegra hluta vegna var í enniskoti - og þar sá ég mér til mikillar undrunar barn sem var rúmlega 1 og hálfs árs. Ég skyldi ekkert í því hver ætti þetta barn en komst svo að því að ein af þeim sem voru með mér úti átti það. Ég fór þá að reikna og komst að því að hún hafði eignast barnið úti í danmörku og tekist að fela það fyrir öllum! Svo sagðist hún ekki einu sinni hafa vitað að hún hefði verið ólétt.. Ég vaknaði svo þegar ég var að reyna að fá skýringar á því hvernig henni hefði tekist að halda þessu leyndu frá því að hún átti það og þar til við fórum heim :p

Já, undarlegar undarlegar draumfarir!

Já, ég verð eiginlega að kvarta! það er aldrei neitt nógu gott!! Núna leiðist mér! Hefur venjulega þótt alveg ágætt að vera ein heima en núna eru amma og afi í ferðalagi og mér hundleiðist alveg! Fannst svo líka hundleiðinlegt að skúra en núna er ég alltaf komin heim uppúr 5 og hef bara ekkert að gera!! - já svona er maður aldrei ánægður með neitt!

Kötturinn er nettgeggjaður, ég gaf honum gjöf áðan sem honum finnst geðveikt skemmtileg! eitt stk stóran pappapoka, hann er búinn að leika sér mikið í honum! Svo er hann ekki að skilja það að hann á ekki að vera uppá tölvuborðinu! Og hann er skíthræddur við póstkassan - ég er með sönnun þess á öxlinni!

Ölskyldumótið var skemmtilegt, ég var reyndar svo upptekin við að skemmta sjálfri mér að ég tók ekkert eftir því sem var að gerast í kringum mig þannig að ég veit ekkert hvernig aðrir skemmtu sér :p

Nú á ég bara eftir að vinna í viku... Verð nú að viðurkenna það að ég er búin að búa hérna fyrir norðan aaaaaaaaaaalveg nógu lengi! Er samt að velta því fyrir mér hvort að líffræðin sé mitt svið.. veit ekki, besta að prófa allavega ;)...

Öö já, svo er afmælið alveg á næstu grösum, verð hundgömul alveg hreint... og á afmæli á mánudegi, ætli það verði mánudagur til mæðu? hmm

Já, ég er ekki alveg viss hvort ég sé farin að hlakka til eða kvíða fyrir því að fara að nema við Háskóla Íslands! Ég nenni að sjálfsögðu eiginlega alls ekki í skóla - eða ég nenni alveg í skólan, nenni bara ekki að læra heima :p Kannski verður þetta samt meira spennandi efni en lögfræði og hagfræði! hehe Svo er stundataflan mín ekkert sérlega árennileg:



allavega ekki föstudagarnir! Jæja, ég hugga mig við að ég er hugsanlega á leiðinni til Tælands næsta vor, nú og ef ekki næsta vor þá vorið 2011 :) Það er sumsé einn áfangi sem heitir "námsferð til útlanda" verí verí spennandi að fara til tælands til að skoða pöddur og plöntur og dýr og vötn :) - Það verða allir að kaupa af mér klósettpappír og eitthvað fleira skemmtilegt til að búa til ferðasjóð þegar að því kemur ;)

Annars er bara fátt að frétta, nýja fína tölvan mín er rosalega ný og fín :D Gríðarlega falleg rauð Dell tölva, er svona



og ú, ölskyldumótið er svo á laugardag ;)