<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d18310621\x26blogName\x3dI+am+the+it+girl\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://longlovelust.blogspot.com/search\x26blogLocale\x3dis_IS\x26v\x3d2\x26homepageUrl\x3dhttps://longlovelust.blogspot.com/\x26vt\x3d5257471162236029623', where: document.getElementById("navbar-iframe-container"), id: "navbar-iframe" }); } }); </script>

I am the it girl

 

Blogg dagsins - nýjustu fréttir

Jæja jæja núna er bara allt að gerast. Ég var semsagt að enda við að panta mér flugmiða til köben. Fer út föstudaginn 11. ágúst klukkan 15:30. Planið er síðan að gista í Kaupmannahöfn eina nótt og rölta upp og niður Strikið á laugardeginum (fara svo á Burger King í hádeginu og fá mér að borða) og drífa mig svo bara til Århus seinnipartinn þann dag. Býst við að leggja af stað til Århus um 5 leytið (gott af ég þarf ekki að leggja af stað klukkan 16:56 og verð þá komin til Århus rétt fyrir klukkan 9 um kvöldið. Svo get ég notað fyrripartinn af sunnudeginum í að kanna mitt nánasta umhverfi (nú eða sofa út) og síðan byrjar skólinn klukkan 15:00.

Annars þá hefur meyjan í mér tekið völdin undanfarna daga og ég hef verið að sleppa mér í skipulagningunni. Ég er til dæmis byrjuð á að skirfa lista yfir þá hluti sem ég ætla að taka með, ég er búin að ákveða við hvaða farsímafyrirtæki ég ætla að skipta þarna úti og svo fann ég himneska síðu, rejseplanen.dk, algjör snilld, maður finnur þar upplýsingar hægri vinstri með hvernig maður getur ferðast milli staða í Danmörku og hvað það kostar og svona. Upplýsingarnar eru svo nákvæmar að það er talað um hvað maður þarf að labba lengi til að komast á milli stoppistöðva! Og svo getur maður prentað út kort af leiðunum og svona, alveg brill. Núna er ég svo að leyta mér að góðu gistiheimili til að vera á í Köben, veit einhver um eitthvað gott og ódýrt?

Fyrir utan þetta allt er svosem lítið að frétta. Ég brá mér reyndar í gönguferð á sunnudaginn. Við Hnáta gengum upp bæjarhólinn hjá Böðvarshólum og svo löbbuðum við og löbbuðum, fórum upp og niður nokkra hóla og svo lentum við í dal (sem mútter fræddi mig á að heitir Grenjadalur) og þann dal löbbuðum við enda á milli og svo upp úr honum, tókum svo vinkil beygju og enduðum uppá fjalli sem við svo hálfpartinn hlupum niðraf. Þetta tók í allt um 4 klukkutíma og það er ekki laust við að við höfum verið hálf þreyttar. Í þessari ferð þá rakst ég á 2 hvæsandi kindur (já þær hvæstu!) heyrði í Tófu sem gaggaði á mig og ég gekk útí dý (náði samt að stökkva af því áður en ég fór niðrúr! :p) Svo var líka fullt af snjósköflum þarna og ég sá líka 2 fossa, mjög merkilegt allt saman.

Hmm jamm og já, svo að lokum þá er hérna ein mynd af Hnátu síðan við gengum frá Brún yfir í Böðvarshóla um daginn. - Á sunnudaginn þá enduðum við sko uppá fjallinu sem sést á myndinni ;)

Höf Hrafnhildur
Dags þriðjudagur, júní 27, 2006
Klukkan 10:22
Skoðanir:
 
 

Auglýsing dagsins

Jæja, ég vil byrja á því að óska sjálfri mér til hamingju. Ég náði þeim merka áfanga í dag að þrífa glæsikerruna mína. Bónaði og ryksugaði og alles. Og í tilefni þess þá ætla ég að skella hér fram auglýsingu. Glæsikerran er semsagt til sölu. Þetta er toyota corolla xli árgerð 97, á götuna í júní 97. 1300cc vél og er keyrður 200.000km. Með glæsivagninum kemur geislaspilari, sumardekk og vetrardekk. Bíllinn er nýskoðaður og fór í gegnum skoðun án athugasemda. Ásett verð er 260.000kr. Allar nánari upplýsingar eða tilboð í síma 865 3950, nú eða í í-meili hlh313@hotmail.com ;)

Hér má svo sjá mynd af kagganum.

Höf Hrafnhildur
Dags laugardagur, júní 24, 2006
Klukkan 18:24
Skoðanir:
 
 

Blogg dagsins - allskonar rugl

Jæjajæja margt gerst síðan síðast. Á laugardaginn var önnur afmælisgjöfin til afa frá því að hann átti afmæli í janúar útleyst. Í afmælisgjöfinni voru 7 dagsverk við að koma skúrnum hans í almennilegt stand og mætti börnin hans öll til verks á laugardagsmorgun, eða sum komu um morguninn, önnur um hádegi.. Þau síðan gerðu þetta allt voða voða fínt, hellulögðu og klæddu veggina að innan og settu upp hillur og svona, allt annað að sjá inní skúrinn! Amma stóð inni allan daginn og eldaði fyrir liðið, fyrst var kakósúpa og brauð í hádeginu og fæst höfðum við fengið heimalagaða kakósúpu síðan 17hundruð og súrkál. Í kaffinu var svo meira brauð, ostar og svo gríðarlega góð súkkulaðikaka sem Ragna kom með og ostakaka frá Heddý, nú og svo má ekki gleyma glænýsteiktu skonsunum sem amma gerði (namminamminamm). Svo var nú toppurinn þegar kvöldmaturinn kom, grillað lambakjöt með öllu tilheyrandi og grillaðir bananar í eftirmat. Ég held það hafi allir verið mjööög saddir eftir þessa veislu.

Á sunnudaginn var æfing 2 fyrir rauðkollslabb. Ég, mútter, Sveinbjörg og Sigrún fórum í langa gönguferð, fyrst frá kolugljúfri að bakkabrúnum og svo stóran hring í kringum víðidalsánna og enduðum aftur hjá kolugljúfri. Svaka stemming. Þegar við komum svo aftur í Brún voru borðaðar MARGAR ristaðar brauðsneiðar með banana :p

Síðan var seinni afmælisgjöf afa leyst út og það var útsýnisflug með Munda. Ég er nottlega uppáhaldsbarnabarnið (eða það eina sem býr heima hjá gamla settinu) og fékk að fara með sem opinber hirðljósmyndari. Við flugum norður á strandir og tókum þar ágætis hring og svo yfir vatnsnesfjallið og hring yfir vesturhópinu og víðidalnum. Svaka gaman. Hér eru svo meðfylgjandi nokkrar myndir sem ég tók í ferðinni.

Þessi er tekin í Bjarnafirði


Þessi er tekin rétt hjá Hólmavík


Og þessi er svo af ættaróðalinu, Sólbakka

Höf Hrafnhildur
Dags miðvikudagur, júní 21, 2006
Klukkan 11:03
Skoðanir:
 
 

Draumur gærdagsins

Í gær þá dreymdi mig undarlegan draum. Hann byrjaði þannig að ég kom inní gamalt autt hús og fór á efri hæðina upp mjög mjög mjóan stiga. Húsið var allt viðarklætt að innan og málað í ljósum möttum litum, aðallega gráum og brúnum. Þegar ég er komin uppá efri hæðina sé ég að það er smá gangur/stigapallur og þrjú herbergi, eitt við enda gangsins til vinstri og tvö ská á móti stiganum. Ég fer inní herbergið sem er vinstra megin við stigann og það herbergi er í gráum lit, með viðarklæddum veggjum og viðargólfi. Herbergið er mjög lítið en inní því er samt eitt gamalt píanó sem er brúnt og svo nýr flygill sem er svartur og glansandi. Mér fannst frekar undarlegt að þessi hljóðfæri væru þarna á annarri hæð hússins þar sem stiginn var svo mjór og sennilega hefði verið mjög erfitt að koma þeim upp.

Við flygilinn situr maður sem er að stilla hann og hjá flyglinum stendur mamma. Á þessum tímapunkti komst ég að því að það var nýbúið að selja þetta hús og sú sem átti það var einhver ung kona sem ég þekkti en ég kem því samt alls ekki fyrir mig núna hver þetta var. Þessi unga kona var semsagt komin þarna í herbergið og stillingamaðurinn búinn að stilla flygilinn og farinn. Mér fannst þetta nú vera hálf undarlegt að stilla flygilinn áður en hann var fluttur og spurði því ungu konuna út í þetta. Hún sagði að hún ætlaði ekki að flytja píanóið og flygilinn með sér af því að hún væri að flytja til útlanda. Mér fannst synd og skömm að skilja þetta eftir og fór því að velta því fyrir mér hvort ég ætti að bjóða henni að kaupa annað hvort. Mér leist betur á píanóið sem ég skoðaði fyrst. Það leit ekkert sérstaklega vel út en þó allt í lagi. Síðan prufaði ég að spila á það og heyrði þá að það var rammfalskt og við nánari skoðun kom í ljós að einhverjar nótur virkuðu ekki og það hefði þurft að gera annsi mikið fyrir það til að laga það. Síðan snéri ég mér að flyglinum sem mér fannst samt eiginlega full flottur fyrir mig og spurði hvort unga konan vildi selja mér hann. Hún sagði að ég mætti alveg bjóða í hann og ég spurði hvað hún vildi fá fyrir hann. Þá sagði hún mér að það væri par búið að bjóða í hann 28.950kr (hér um bil) og þau ætluðu að skoða hann daginn eftir. Ég bauð henni þá 30.000kr fyrir hann. Eitthvað var ég svo að ræða þetta við mömmu þegar ég vaknaði.

Hefur einhver draumráðningu á svona draum??

Höf Hrafnhildur
Dags föstudagur, júní 16, 2006
Klukkan 09:53
Skoðanir:
 
 

Frásögn dagsins - gönguferð

Jæja, við Sigrún Dögg vorum einstaklega duglegar í dag. Héldum fyrstu æfingu fyrir rauðkollslabb og gengum niður með Gljúfrá. Á vegi okkar varð ýmislegt, fullt af stórum og feitum fjallaköngulóm og fallegir steinar. Við sáum líka hrafnshreiður og ég hafði mikið fyrir því að klifra í klettunum til að kíkja í það. Ungarnir þóttust nú reyndar vera sofandi og svöruðu því ekki þó ég krunkaði á þá, en ég náði smá mynd með símanum mínum. Sést hvernig þetta er allt saman.

Höf Hrafnhildur
Dags þriðjudagur, júní 13, 2006
Klukkan 21:00
Skoðanir:
 
 

Myndband dagsins

Jæja, ég fékk að prufa kajak um helgina hjá Adda vini hennar Mömmu. Það var svaka stuð og á meðfylgjandi myndbandi má sjá hvað ég er ömurlega klár ;p Ingveldur megabeib kom og fékk líka að prufa, svaka klár. Mútter hékk á bakkanum með dauðans áhyggjur af því að við myndum velta :p hehe ekki það að ég hafði nú alveg jafn miklar áhyggjur þegar hún prufaði :p

ATH - ef það kemur ekkert nema "loading..." prufið þá að setja myndbandið bara af stað með play takkanum... gæti virkað ;)

Höf Hrafnhildur
Dags miðvikudagur, júní 07, 2006
Klukkan 09:21
Skoðanir:
 
 

Mynd dagsins - alveg glænýtt


Staður: Sólbakki
Stund: 29.05.2006
Jæja þetta er nýja stórglæsilega golsótta gimbrin mín, hún er voða voða flott ;) Hún á líka systur sem er hvít.. og svo fylgist nú Golsa gamla með mér þarna í horninu..

Höf Hrafnhildur
Dags fimmtudagur, júní 01, 2006
Klukkan 10:09
Skoðanir:
 
 
 
free html hit counters
Dicks Sporting Goods Store
web statistic