Mynd dagsins - gamalt og gott
Staður: Sólbakki
Stund: ???
Ljósmyndari: ???
Já og btw þá er þetta ég, sko samt ekki þetta litla hvíta, það er lamb, ég er þessi með kexið... ;p
Aðvörun dagsins
Ef hoppað er of mikið (3-4 klukkustundir) á trambólíni án þess að vera í góðri trambólín þjálfun er mikil hætta á að fá strengi.
Samsæriskenning dagsins - Júróvisjon
Jæja, nýjasta samsæriskenningin, komin frá afar áreiðanlegum heimildum (vinkona frænku vinkonu vinkonu frænku minnar er sko vinkona Silvíu/Ágústu). Allavega þá er víst verið að kanna það hvort íslenska júróvisjon hópnum hafi verið byrlað eitur! Þau fengu víst öll heiftarlega matareitrun en engir aðrir keppendur (og voru víst bara að borða sama matinn). Mjög grunsamlegt allt saman... helv. grikkir! Hvað haldið þið? var þeim eitrað fyrir þeim??
Rugl dagsins - öpdeit
Jæja jæja jæja, núna er semsagt Reykjavíkurkaflanum lokið og ég er komin heim í heiðardalinn.. (eða eitthvað..) Er semsagt flutt til ömmu og afa og læt þau að sjálfsögðu dekra við mig, t.d. þá er amma búin að hafa mat sem mig langar í síðustu 2 kvöld, fyrst fiskibollur úr dós í karrýsósu og svo kjöt í karrý og mikið af hrísgrjónum (já mér finnst karrý doldið gott) og svo ætla ég að ráðast í pizzu-gerð annaðkvöld, langt síðan ég hef fengið almennilega pizzu :p.
Ég er að vísu ekki búin að koma mér fyrir og ég sé framá að ég verði kannski búin að því þegar ég flyt aftur, komst að því að ég á miklu meira drasl en ég hélt, herbergið mitt er í augnablikinu fullt af pokum og kössum og drasli og gangurinn fyrir framan líka, rétt smá gangvegur til að komast inn og uppí rúm.
Kisa er yfir sig hamingjusöm yfir því að ég sé komin, hún vissi alveg uppá hár hvað klukkan sló þegar ég byrjaði að bera inn drasl (eins og hún veit hvað ég er að gera þegar ég byrja að pakka, þá reynir hún iðulega sitt besta til að hrinda niður hlutum eða leggjast ofaná það sem ég er að reyna að setja í töskur). Hún semsagt eltir mig á röndum, kvartar yfir því ef ég loka inná klósett og sefur inni hjá mér allar nætur. Hún bíður líka spennt fyrir utan baðherbergið þegar ég fer í sturtu - ekki slæmt að vera svona dáð! :p
Ég ákvað að nýta síðasta kvöldið mitt í Reykjavík vel og fór því á djammið. Katý kom alla leið frá Bifröst til að koma með mér og við byrjuðum nú á því að fara í Kringluna og kaupa okkur skó, geðveika gellu skó btw! Á leiðinni á djammið kom ég við hjá Sunnu, varð að kíkja á partýið hjá henni, sjá hvort hún væri nokkuð að haga sér ósæmilega - sem hún var! Sumir voru semsagt drukknari en aðrir og stóðu varla í lappirnar og voru með ástarjátningar!! (jájá, gott að vera búin að gera þvílíkt grín af mér fyrir þetta eina skipti sem ég varð það drukkin að vera með svoleiðis). En allavega svo fórum við ásamt Katrínu og Ernu niðrí bæ. Ég er farin að hallast að því að ég sé frekar leiðinlegur félagsskapur því við vorum varla komnar niðrí bæ þegar Katý ákvað að yfirgefa fjörið. Svo frekar snemma (svona milli 2 og 3) þá yfirgáfu Katrín og Erna mig þannig að ég var bara tótalí alón! Eeen ég fann mér að sjálfsögðu bara fólk sem ég þekkti, reyndar sama fólk og síðast þegar ég var skilin svona eftir ein! hehe þannig að það rættist alveg úr þessu. Ég fór ekki heim fyrr en hálf 7 og varð fyrir þeirri skemmtilegu reynslu í leigubílaröðinni að einhver gaur reyndi við mig, hann notaði reyndar mest hallærislegustu pikk-öp línu ever, horfði, nei starði í augun á mér og sagði "hvernig eru augun þín eiginlega á litin?? Ég er búin að vera að horfa á þig geðveikt lengi og velta þessu fyrir mér!" Ég komst að því að þessi drengur er greinilega litblindur þar sem hann hélt því fram að þau væru gul og blá! Sem betur fer var komið að mér í leigubílaröðinni þannig að ég þurfti ekki að standa í einhverju þrasi um þetta :p
Hmm, núna eru sennilega þessir 5 sem lesa bloggið mitt löngu hættir að lesa, en ég er ekki alveg hætt.. Ætla bara að segja að það er stór djamm-helgi framundan! Sumarhátið SPRON á föstudag og svo innflutnings/júróvisjon partý á laugardag! nóg að gera! hehe
Jamm, bara eitt svo að lokum, svona í tilefni af júróvisjon - Áfram Ísland!!
Lifið heil
Rugl dagsins
Jæja, fátt að frétta hjá mér, er að vinna á laugardegi, svaka stuð.. var lofað laugardegi með nammiáti og nethangsi og ætla því ekki að gera neitt annað nema ég nauðsynlega þurfi þess :p Annars þá á ég bara eftir að vinna eina viku hér í spönginni áður en ég fer norður, klikkaði reyndar aðeins á þessu, daginn eftir að ég ákvað að byrja fyrir norðan 15.maí kom auglýsing um sumarhátið spron 19.maí, var að hugsa um að fresta för norður um viku :p
Ég er loksins komin með einhverja smá hugmynd um hvað ég ætla að gera næsta haust, stefnan er tekin á lýðháskóla í Danaveldi, ætla að elta Ingveldi litlu frænku í Idræthojskolen í Århus. Dönskusnillingar geta kannski lesið út úr þessu að þetta er íþróttaskóli (já íþróttaskóli!) og ef ég fer þá ætla ég að vera í tennis og útivist og svo læra golf og fara á skíði! Á haustönninni er farið í viku ferð til kanarý á íþróttahótel og svo er 2 vikna skíðaferð til frakklands/ítalíu eða austurríkis. Voða spennó allt saman.
Ég tók smá flipp á fimmtudaginn og fékk mér gat í eyrað. Er búið að langa í annað par af götum síðan ég var lítil en var alltaf með eitthvað ofnæmi en það virðist vera horfið þannig að ég ákvað bara að skella mér á þetta, en ég þarf nottlega alltaf að breyta um skoðun á síðustu stundu og tók þá skyndiákvörðun að fá mér frekar eitt gat uppi í hægra eyrað. Ég var reyndar alveg eitt kvöld að ákveða mig hvort mér þætti þetta flott en ég komst að þeirri niðurstöðu að þetta væri nú bara þónokkuð kúl :p Af því að ég á síma sem er með svo MIKLUM ljósmyndagæðum tók ég nú bara mynd af eyranu á mér til að fólk geti dæmt um það hvort því finnist þetta kúl ;p
Svo að lokum þá er hérna mynd frá mútter, þetta var semsagt eina myndin sem hún náði af ungfrú Berghildi.
