Blogg dagsins - skólar
Já, góðan daginn! Eða góða kvöldið!
Hmm nú hef ég ekki skrifað blogg síðan í ágúst, en samt dettur mér EKKERT í hug til að skrifa um! Jú kannski einna helst að einungis eru 7 vikur, eða 49 dagar þar til við förum í Dóminíska! Jey, loksins er allt í lagi að fara að láta sig hlakka til ;)
Annað sem er helst í fréttum er að ég er að reyna að ákveða hvað í andsk ég á að gera næsta haust.. Er nú komin á þá skoðun að fara að læra grafíska hönnun/margmiðlunarhönnun eða visual communication (sem ég hélt fyrst að væri bara grafísk hönnun en kom síðar í ljós að er ýmislegt fleira... - samt voða svipað og grafísk hönnun...)
Og þá er það nú vandamálið hvar! Bandaríkin eru efst á listanum en ég á því miður engar 5-6 millur til að borga fyrir námið þar! Ég hef mikið verið að pæla í Ástralíu, þar eru spennandi skólar og auðvitað mikið ævintýri að fara þangað.. en þar kosta samt skólarnir 3-4 millur (viðráðanlegra þar sem ég fengi tæpar 3 í skólagjaldalán hjá LÍN). Svo er það þriðji kosturinn.. Danmörk.. Það er auðvitað voða fínt að vera í Danmörku.. mig langar að vísu helst að vera í Århus en það er ekki boðið uppá nám af þessu tagi þar :( (nema diploma nám..) Þannig að núna er ég að pæla í skóla í Kolding eða Kaupmannahöfn. Stærsti kosturinn við dk er að skólagjöldin eru 5-6 milljónum króna lægri en í USA og 3-4milljónum króna lægri en í Ástralíu = 0kr, sem telst stór kostur. En úff þetta er alltof erfitt val og ég er búin að fara margar hringi í kringum sjálfa mig!
Já fleira í fréttu, það er kominn vetur, hafði áhyggjru af því í morgun þegar ég leit út um gluggan að ég kæmist ekki í vinnuna! Hríðargarg! Yfir 22m/s og éljagangur ojojoj! En það hafðist nú samt og núna er komið ágætis veður.
Jæja, ein mynd að lokum, sjálfsmynd síðan í september :)..
Ég vildi að ég gæti hjálpað þér með þennan valkvíða, en ég get það ekki. Ja, ekki nema bara með að segja þér að kasta pening! Já og velja sko, ekki nóg að kasta bara einhverjum pening. Skilurðu!?
Loksins kom blogg!!!! Ég var byrjuð að skrifa minningargrein um þessa síðu!!! En úú, bara 44 dagar í Dóminíska :D
Þetta er erfitt val, hvort viltu eiga 6 millur eða eyða 6 millum??
sko sigrún, þetta er ekki spurningin um að eiga eða eyða, heldur um að skulda nokkrar millur eða skulda ekki nokkrar millur..
Mæli með því að láta hugann stefna bara þangað sem hann vill, það er ágætt. Ég byrjaði á því að prófa „öruggu“ leiðina, en endaði í því sem ég vissi að væri málið. Það var ágætis hughreysting, viljinn sigrar. Ekki láta vindhraða hafa áhrif á ákvörðunina allavega :)
Frábærar myndirnar þínar. Mér finnst ég hljóma eins og biluð plata... veit reyndar ekki hvort þú hafir heyrt í bilaðri plötu - bara geisladiskum! En allavega... með ljósmyndun hefurðu tækifæri til að safna þér inn pening. Seldu þær og taktu að þér að taka myndir t.d. af börnum og í veislum! Já, og þú manst að ég var búin að panta þig... mannstu?
Heyrðu annars! Ef ég er ekki alveg kolrugluð í stærðfræði þá ertu ORÐIN 23 ára og þarft því að uppfæra prófílinn! Það þýðir ekkert að hafa eitthvað "alveg að ganga... eitthvað" í marga, marga mánuði. Það er eins og að setja skilti í búðarglugga sem á stendur "Lokað í dag - opið aftur á morgun" og enga dagsetningu! Hahahaha.. hef reyndar séð svoleiðis, og sé enn eftir að hafa ekki tekið mynd af því.
heyrðu obbobbobb! þetta er satt hjá þér! Ég breytti þessu snarlega ;)
Örstutt saga (byggð á sannsögulegum atburðum): eitt kvöld í nóvembermánuði (lesist: á miðvikudagskvöldið síðasta) sat myndarlega húsfreyjan ásamt gesti sínum í fullkomna og nýtiltekna eldhúsinu sínu. Voru þær stöllur að fara að vinna landafræðiritgerð og voru bækur dreifðar um allt eldhúsborð. Þær blaða í landabréfabók og segir gesturinn upp úr þurru; "Hey, ég þekki tvær stelpur á mínum aldri sem eru að fara til Dóminíska lýðveldisins um jólin". Húsfreyjan brosir brosi þeirrar sem ýmislegt veit og sagði "en fyndið! Ég veit líka um tvær sem eru að fara. Ætli þær fari ekki allar í sömu ferð". "Jú, örugglega", sagði gesturinn og bætti svo við eftir smá umhugsun "önnur þeirra sem ég þekki er sko frænka mín". Bros húsfreyjunnar breikkaði er hún sagði; "Frænka MÍN er sko líka að fara. Hvað heitir svo frænka þín eiginlega?" "Sunna" segir gesturinn. Þá skellti húsfreyjan upp úr og hún spurði "og heitir vinkona hennar kannski bara Hrafnhildur?" Gesturinn missti andlitið niður á eldhúsborðið af undrun. "Hvernig vissirðu? Er Sunna frænka þín líka?" En húsfreyjan fullvissaði hana um að svo væri ekki því Hrafnhildur væri það.
Gesturinn heitir Jórunn og býr hér ekki langt frá mér.
Svona er heimurinn lítill!
hahahah, þú skrifar svo skemmtilegar smásögur Helga, svo er svo ótrúlega margt sem gerist hjá þér :-)