<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://draft.blogger.com/navbar.g?targetBlogID\x3d18310621\x26blogName\x3dI+am+the+it+girl\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://longlovelust.blogspot.com/search\x26blogLocale\x3dis_IS\x26v\x3d2\x26homepageUrl\x3dhttps://longlovelust.blogspot.com/\x26vt\x3d5257471162236029623', where: document.getElementById("navbar-iframe-container"), id: "navbar-iframe" }); } }); </script>

I am the it girl

 

Blogg dagsins - þessir danir

Þessir Danir eru æði!

Ég sótti semsagt um í Den Grafiske Hojskole í Kaupmannahöfn.
Í gær fékk ég tölvupóst þess efnis að ég uppfyllti öll skilyrði til að fara í gegnum inntökuferilinn. Eins og ég ég var einhverntíma búin að skrifa er ferillinn sá að fyrst geri ég heimaverkefni og ef ég næ því þá þarf ég að fara út í inntökupróf og viðtal.

Heimaverkefnið kom í gær…. Og það eru bara Danir sem myndu láta sér detta í hug að senda ungu fólki svona verkefni!
Verkefnið er semsagt það að maður á að koma með hugmynd að hönnun á vefsíðu sem heitir www.cocktailmixer.dk. Á þessari síðu á að vera forrit sem maður getur slegið inn nokkrum forsendum, t.d. áfengistegund og blandi og forritið finnur svo kokteila-uppskriftir! Gott að láta allt tvítuga liðið og jafnvel yngra pæla í þessu :p
Kannski ég detti bara í það við þessar pælingar og búi til nýjar kokteilauppskriftir ;)

Höf Hrafnhildur
Dags föstudagur, mars 28, 2008
Klukkan 11:05
Skoðanir:
 
 

Blogg dagsins - minningarbrot

Það er alltaf gaman þegar maður man eftir einhverju frá því að maður var krakki.
Ég get nú ekki sagt að ég sé uppfull af einhverjum minningum en þessar nokkrar sem ég á eru annsi skemmtilegar. Þær eru flestar svo svakalega ómerkilegar að ég get ekki annað en brosað þegar ég hugsa um þær :)

Hér eru nokkur dæmi:

Ég man eftir fermingunni hans Júlíusar. Eða réttara sagt þá man ég eftir að hafa legið undir borðinu þar sem kökurnar voru og verið í eitthvað misgóðu skapi :p

Ég man eftir því að hafa einu sinni verið á Sólbakka að tala við Ingveldi í síman. Ég hef sennilega verið 6 ára og Ingveldur þá 5 ára. Allavega þá talaði Ingveldur og talaði.. OG TALAÐI og það endaði með því að skellti á hana! haha Svo kom ég fram í eldhús og amma spurði hvort ég væri bara hætt að tala við Ingveldi og ég varð eitthvað undarleg í framan og sagði svo að ég hefði skellt á. Amma varð náttúrulega hissa á svipin og spurði afhverju og ég svaraði, eins og satt var "ég bara nennti ekki að tala við hana lengur!"

Þegar ég var á leikskóla þá reifst ég einu sinni heillengi við einn strákinn um það hvort okkar ætti ömmuna og afan í laginu um afa minn og ömmu mína sem útá Bakka búa. Held að það mál hafi endað með úrskurði fóstrana um að þetta væru bara allra amma og afi :p

Einu sinni sem oftar þá var ég á Sólbakka. Ég hef verið ca 4-5 ára.. Allir voru búnir að borða og farnir að horfa á fréttirnar. Eftir að hafa gengið úr skugga um að allir væru örugglega uppteknir þá fór ég og skellti puttanum á bólakaf í smjörstykkið og fékk mér væna klípu :p

Og svo er það mín fyrsta minning. Ég var 2 ára og úti með mömmu sem var eitthvað að brasa. Eina skemmtunin sem ég fann var að herma eftir hananum. Ég semsagt gekk á eftir honum og tísti.. Eitthvað varð hann samt móðgaður blessaður og snéri sér við og réðst á mig! Mamma var samt snögg að redda málunum og barði hanann með spýtu :p

Já, svona eru minningarnar úr barnæsku skemmtilegar :p á nokkrar fleiri sem verða geymdar til betri tíma ;)

Höf Hrafnhildur
Dags þriðjudagur, mars 18, 2008
Klukkan 18:11
Skoðanir:
 
 

Blogg dagsins - í ruglinu?

Já, það er spurning. Ég þakka mínu sæla fyrir að amma og afi komi heim eftir nokkra daga! Annars myndi ég sennilega enda í 100kg! Tilraunastarfsemin í eldhúsinu hefur semsagt verið svakaleg! Fyrst voru það umræddar beikonvafðar kjúklingabringur. Í gær var svo kjúklingabringa fyllt með beikoni, fetaosti, pestói og rauðlauk. Og í kvöld var svo kjúklingasalat með beikoni. Öll þessi beikonneysla er samt btw bara að hluta til vegna þess hvað mér finnst beikon gott, aðalástæðan er sú að það voru ekki til minni pakningar í kaupfélaginu... Á morgun datt mér svo í hug að baka pizzu og gera svo kannski bbq kjúlla hinn... - ég hlakka til að fá steiktan fisk og kjöt í karrý að ömmu stíl :p

Í kvöld hef ég verið að berjast við að fylla út umsóknir í dönsku háskólana sem ég fór að skoða um síðustu helgi. Nr. 1 er Den Grafiske Hojskole ognr. 2 Designskolen Kolding. Það verður mjög spennandi að sjá hvort ég geti eitthvað í heimaverkefnunum sem maður þarf svo að gera! Brjáluð inntökuferli í þessa skóla, fyrst 20bls heimaverkefni og ef maður nær því þá er maður boðaður í viðtal + 2klst próf! og allt á dönsku! JÁ SÆLL! jæja, ég ætti kannski bara að fara að tala dönsku við alla viðskiptavini sparisjóðsins.. gott plan.

Helgin er svo plönuð á þá leið að ég ætla að liggja sem mest uppí rúmi og horfa á öll 30gb af þáttum sem ég fékk hjá Helgu og Palla :) Svo kannski inn á milli vökva ég blómin og tek aðeins til í eldhúsinu og svona ;)

Jæja, over and out

Höf Hrafnhildur
Dags fimmtudagur, mars 06, 2008
Klukkan 22:44
Skoðanir:
 
 

Blogg kvöldsins - einn, tveir og elda!

já, þegar maður er einn heima þarf maður víst að sjá um að elda! Maturinn í kvöld var ekki af verri endanum en það var alveg hrikalega einfalt að elda hann! Hér kemur uppskrift kvöldsins:

Beikonkjúlli með timjan-kartöflum og grænmeti

Hráefni
Kjúklingabringur
Beikon
Frosið blandað grænmeti
Kartöflur
Timjan
Salt
Pipar
Ólífuolía

Fyrst er kjúklingurinn skorinn langsum í ca 3 lengjur. Síðan er honum velt uppúr örlítilli olíu, kryddaður með salti og svörtum pipar og að lokum er beikoni vafið utan um. Þetta er svo bakað í eldföstu móti við 250°C í ca 20mínútur (+/- 5..)

Kartöflurnar eru skornar í báta. Þær eru svo settar í pott sem er með botnfylli af olíu og örlitlu vatni. Útá þetta er svo stráð grófu salti (magn fer eftir smekk..) og slatta af timjani. Látið malla í nokkrar mínútur. Það er gott að elda þær ekki alveg í gegn heldur taka pottinn af hellunni þegar þær eru að verða gegnsoðnar og láta bíða í 5mín í pottinum áður en þær eru bornar fram.

Grænmetið er svo mjög einfalt, látið í pott með vatni og smá salti og suðan látin koma upp. Síðan er það sigtað og sett á disk ;) Gott að setja örlitla smjörklípu ofaná :)

og svo er bara að borða! Svona ætti þetta ca að líta út ;)



Bon apetit!

Höf Hrafnhildur
Dags þriðjudagur, mars 04, 2008
Klukkan 22:40
Skoðanir:
 
 
 
free html hit counters
Dicks Sporting Goods Store
web statistic