I am the it girl

Mitt nýjasta æði er ristað heilsubrauð með smá smjörva, bláberjasultu og osti í morgunmat ásamt mjólkurglasi. Þetta finnst mér afskaplega góður morgunmatur og ég er byrjuð að hlakka til að borða þetta um leið og ég er mætt í vinnuna klukkan 9. Ég hef samt verið að horfa í kringum mig í matsalnum í vinnunni og tekið eftir því að þetta er einnig afar vinsælt meðal samstarfsfélaganna. Það sem ég hef rekið augun í er að fólk setur iðulega sultuna ofaná ostinn, ég set hann alltaf undir og er það gert með það að leiðarljósi að sultan subbist ekki út um allt og að minni líkur séu á að ég mæti aftur í gjaldkerastúkuna með sultu uppá augabrúnir. Núna er mín pæling sú, hversvegna setur fólk oftast sultuna ofaná, bragðast brauðið eitthvað betur þannig? lookar það bara betur? eða er þetta arfleið frá forfeðrunum? hefur einhver svör við þessu?

Hrafnhildur, matarpælari

Í tilefni þess að það var burritos í matinn í vinnunni í dag hef ég ákveðið að setja inn leiðbeiningar um hvernig skal bera sig að þegar slíkur matur er á borðum. Ég hef tekið eftir því að mjög margir eiga í vandræðum með að borða burritos, allt fer út um allt og ekki er þetta þægilegasti maturinn til að borða með hníf og gafli. Grunnreglan er að setja ekki of mikið í kökuna. Margir flaska á þessu atriði og hrúga á kökuna eins og þeir hafi ekki fengið að borða í margar vikur. Mun sniðugra er að fá sér fleiri burrito en hafa minna á þeim. Annað mikilvægt atriði er að brjóta kökuna rétt saman. Meðfylgjandi mynd sínir hvernig best er að haga samanbroti á burrito köku. - athugið að hægt er að smella á myndina til að stækka hana.



Vonandi koma þessar leiðbeiningar einhverjum að góðum notum.

Ég hef komist að þeirri niðurstöðu, eftir langa umhugsun, að ég sé frekar leiðinleg manneskja. Þessa niðurstöðu byggi ég á þeirri staðreynd að ég hef ALDREI neitt að segja! Ég hef til dæmis nagað mig í handabökin síðustu 2 sólarhringana við það að upphugsa eitthvað til að skirfa á bloggið en mér hefur hreinlega ekki dottið neitt í hug! Ýmislegt hefur nú komið uppí hugan, til dæmis þá datt mér í hug að skrifa um einstaklega skemmtilega sumarbústaðarferð sem ég fór í á föstudaginn með konunum í SPRON í Mjódd, en einhvernvegin þá bjóst ég ekki alveg við að það yrði eitthvað gaman að lesa það..

Einnig datt mér í hug að segja frá góðum bröndurum sem okkur Sunnu hefur dottið í hug, t.d. þegar ég sagði ekki skilja ákveðna manneskju sem heitir rammíslensku nafni og sunna sagði "nú, er hún útlensk?" Nú eða þegar ég sagði "nej tak, jeg er bara ad skoda" í verslun á Strikinu. En þessa brandara verður eiginlega að segja, þeir eru bara ekki jafn fyndnir í rituðu máli.

Mér flaug einnig í hug að segja frá týpum af fólki sem fer í taugarnar á mér, t.d. ákveðinni manneskju sem smjattar ferlega mikið, fólki sem er tilætlunarsamt og fólki sem mætir 2 mínútum fyrir lokun t.d. í verslun eða banka og er að "dunda" sér. Mér fannst þetta hinsvegar svo neikvæð umræða eitthvað að ég ákvað að sleppa henni, fæ líka smá samviskubit yfir því að segja frá svona fólki því ég er alltaf með einhvern ákveðinn í huga sem á svo sannarlega ekki skilið að vera úthúðað á bloggsíðum, jafnvel þó að engin nöfn séu nefnd!

Að lokum þá datt mér í hug að skrifa um mig, þ.e. ég um mig frá mér til mín! Hefði til dæmis getað sagt frá því að ÉG er hætt í mjódd og farin að vinna í Ármúlanum en verð bara hérna í viku og fer svo í Spöngina. Líka að ÉG er búin að skrá MIG á annað námskeið í bootcamp, þannig að ÉG verð kannski orðin flott eftir 7 vikur. Einnig hefði ég getað skrifað um það að ÉG er algjör auli vegna þess að ÉG fór í ljós í gær og ÉG brann svo hrikalega að ÉG er á litinn eins og tómatur! Og að þetta er nú ekki gott vegna þess að ÉG er að fara á árshátíð hjá Spron á laugardaginn!

En svona er þetta nú, ekkert af þessu fannst mér nógu skemmtilegt eða áhugavert til að setja á bloggið! Ég verð sennilega bara að halda áfram að vera leiðinleg!

Skál fyrir því

Jæja, mig langar að biðja fólk vinsamlegast um að svara einni spurningu, spurningunni skal svarað hérna Nýja lúkkið

Yfir og út, takk og bless

Jæja, saga til næsta bæjar! Hrafnhildur fór á djammið! meira að segja bæði föstudags- og laugardagskvöld! Föstudagskvöldið var nú bara í rólegri kanntinum og ég var komin heim fyrir klukkan 3! Á laugardagskvöldið ákvaðum við Sunna hinsvegar að skella okkur í bæinn (höfðum eiginlega skipti, hún kom með mér út að borða á friday's og í bíó og ég fór með henni í bæinn). En já það var semsagt mjög gaman og ég fór á fleiri staði en ég hef samtals farið á síðan ég byrjaði að fara á skemmtistaði! Fór m.a. á gaukinn, rex, thorvaldsen, vegamót og ölstofuna! Svo fóru reyndar sumir fyrr heim en aðrir og skyldu suma meira eftir eina í bænum en aðra! Ég var ekki alveg tilbúin til að fara heim fyrir 3 þannig að ég stóð uppi ein í bænum! En ég var nú svosem ekkert lengi að finna mér fólk sem ég þekkti og kynntist bara fleirum! Ég var svo komin heim klukkan hálf 7.. En hérna eru myndir af okkur gellunum sem voru teknar áður en við skelltum okkur út á lífið!