Pæling dagsins - brauð með sultu og osti
Mitt nýjasta æði er ristað heilsubrauð með smá smjörva, bláberjasultu og osti í morgunmat ásamt mjólkurglasi. Þetta finnst mér afskaplega góður morgunmatur og ég er byrjuð að hlakka til að borða þetta um leið og ég er mætt í vinnuna klukkan 9. Ég hef samt verið að horfa í kringum mig í matsalnum í vinnunni og tekið eftir því að þetta er einnig afar vinsælt meðal samstarfsfélaganna. Það sem ég hef rekið augun í er að fólk setur iðulega sultuna ofaná ostinn, ég set hann alltaf undir og er það gert með það að leiðarljósi að sultan subbist ekki út um allt og að minni líkur séu á að ég mæti aftur í gjaldkerastúkuna með sultu uppá augabrúnir. Núna er mín pæling sú, hversvegna setur fólk oftast sultuna ofaná, bragðast brauðið eitthvað betur þannig? lookar það bara betur? eða er þetta arfleið frá forfeðrunum? hefur einhver svör við þessu?
Hrafnhildur, matarpælari
Held að fólk hafi bara ekki fattað þetta með að setja sultuna á undan ostinum. Ég set t.d. alltaf sultuna á undan, en ég veit að ég er líka á undan minni samtíð.
Oj sulta!!
ég get alveg staðfest það að brauð með osti og sultu bragðast mun betur með sultuna ofan á ostinum.. þetta er mikil list að borða þetta svona án þess að þetta sullist niður.. og ekki á allra færi.. hehehe ég segi "sultan ofan á ostinn"..
já ég er nú á þeirri skoðun að við katý séum einfaldlega á undan okkar samtíð. Ég ætla þó að lýta á þetta sem áskorun hjá þér sigga og prufa að setja sultuna ofaná í fyrramálið. Munu niðurstöður rannsóknarinnar verða birtar hér.
Ég held að fólki finnist brauðið fallegra með sultuna ofan á.
já en ég meina það er miklu meira kúl þegar maður er með götóttan ost að sultan "kíki" uppúr götunum!
Sko ég mundi skilja þetta ef þið væruð að tala um smjör....;p
þið eruð ótrúlega djúpt pælandi konur ;) ég er á því að fagurfræðin ráði því að sultan fari ofaná ostinn, hvað er líka fallegra en gullin apríkósusultan ofan á ostinum.
þar með er það staðfest! það er MIKLU VERRA að hafa sultuna ofaná ostinum, fyrir því liggja margar ástæður, maður kemur ekki eins mikilli sultu ofaná eins og undir, brauðið verður miklu þurrara þegar sultan er ofaná ostinum og maður þarf að vanda sig meira við að borða þetta! Úff, þessi rannsókn eyðilegaði næstum fyrir mér morgunkaffið! :p
Ég held að sultan ofaná hafi algjörlega fagurfræðilegt gildi.
Það er löngu sannað á vísindalegan hátt, og góð og gild venja sem nær aftur til landnámsaldar, að sulta hverskonar (þó helst appelsínumarmelaði) eigi að fara undir ostinn.
Það skal enginn segja mér að víkingar á leið til Íslands hafi sett sultuna ofaná ostinn...
Ég held að þið séuð að misskilja þetta. Málið snýst ekki um það hvort að sultan eigi að vera undir eða ofan á ostinum.
Heldur snýst þetta um það að osturinn á að vera undir sultunni.... annars held ég að þetta sé eins og kynlíf, mismunandi hvaða stellingar eru í uppáhaldi hjá fólki :)
já Maggi ég er sammála þessu með víkingana, sennilega hefuf ástæðan verið sú að ef þeir hefðu sett sultuna ofaná hefði hún sullast í skeggið í öldugangnum (þeir voru væntanlega á skipum á leiðinni til landsins) ooog það var nú fátt um fína drætti í sápuúrvalinu á þeim tíma!
Guðbjörg, það er greinilegt að þú hugsar ennþá alltaf um það sama :p verð samt að viðurkenna að þetta er góður punktur hjá ér ;p
Brauðið mitt með sultunni UNDIR ostinum bragðaðist samt btw mjög vel í morgun :p
Mér finnst nú bara ógeðslegt að borða brauð með osti og sultu það er mun betra að borða ristað brauð með smjöri og sultu,, ummmm namm namm
Mér finnst svo ógirnilegt að láta sultuna og smjörið liggja saman... ég vil ekki að það blandist í einhverja smjörs-sultu-klessu!!
En mig langar að þakka þér fyrir frábærar burritos leiðbeiningar... reyndar kann ég þessa list (eða lyst híhíhí...) en það eru allt of margir sem flaska á þessum basik atriðum í burritos-áti! ;o)
Ég hef alltaf sett sultuna undir ostin. Nákvæmlega til að þetta sullist ekki allt út um alt. Ég er mikið fyrir að hafa hlutina smekklega, en þá aðeins hluti sem endast lengur en matur. Í mínum augum er matur aðeins lífsnauðsinleg, ekkert sem þarf að vera smart. Það er reyndar ansi mikilvægt að hann sé góður. En það er bara svo maður komi honum niður. Ef hann væri ekki góður, þá mundi maður ekki borða hann og þá deyr maður.
Sultuna undir ostinn takk!