I am the it girl

Já, það er margt skrýtið í kýrhausnum.
Þegar ég skúra í Sparisjóðnum seinnipartinn þá hef ég lítið annað að gera á meðan en að hugsa. Ég á það nú til að ofhugsa hlutina eins og gott dæmi síðan um daginn gefur til kynna.

Þá var ég að hugsa um það ef ég skyldi nú ákveða að fara til danmerkur, hvaða skóla ég ætti að fara í og ef ég kæmist þá inn í skóla þar, hvort ég ætti að taka bílinn með mér. Nú ef ég ákveddi svo að fara til danmerkur, ef ég kæmist í skólan og ef ég ákveddi að taka bílinn með mér, hvað ég ætti þá að taka með mér í bílnum! Jú það yrði hjólið mitt og tölvan, sjónvarpið og sængin... og auðvitað fötin mín. og þá var það nú stóra spurningin hvernig ég ætti að pakka þessu inní bílinn!! Jú það væri auðvitað möguleiki að fá hjólagrind til að hafa utan á bílnum en annars væri sennilega hægt að setja hjólið inní bíl með því að taka framhjólið af og snúa stýrinu! og svo fór ég í framhaldi að þessu að velta því fyrir mér þegar ég kæmi aftur heim, hvort ég ætti að reyna að smygla með mér eðlu eða skjaldböku! lol Þetta kom út frá vangaveltum um það hvort ég ætti að flytja til Danmerkur!

En allavega, í dag þá var ég að velta fyrir mér söfnunaráráttu. Ég hef hingað til ekki talið mig þjást af svoleiðis, á afar auðvelt með að henda og hendi miskunarlaust gömlu drasli! Eeen það eru samt nokkrir hlutir sem ég safna, þeir eiga það allir sameiginlegt að hafa notagildi (tja.. fyrir utan kannski frímerkjasafnið mitt...). Ég á örugglega hátt í 5kg af erlendri smámynt frá öllum heimshornum! Svo á ég nokkur hljóðfæri, fiðlu, gítar, 2 afríska tréfroska (já þeir eru hljóðfæri) spænska flautu, blokkflautu, sópranino flautu og svo var mér að áskotnast þessi líka forláta mini tromma frá suður-Afríku (takk Magga :D). Að vísu á ég ekki þau hljóðfæri sem mig langar helst að eiga, píanó/hljómborð, djembe trommu og stálstrengja gítar. Ég stefni á það að athuga hvort það séu einhvarjar trommur í Dóminíska ;)

Svo á ég líka orðið sæmilegt safn af myndavélum. Á gamla Nikon FM filmuvél sem móðir mín var svo elskuleg að gefa mér í afmælisgjöf, 10 ára gamla Nikon F60 filmuvél, Nikon D70 digital vél, fujifilm f30 litla digital vél, canon filmuvél gamla og svo á ég einhversstaðar drasl filmuvél sem ég fékk í jólagjöf frá Júlíusi þegar ég var ca 10 ára :) Mig langar hinsvegar mikið til að eignast gamla polaroid vél og svo medium format vél. - ef einhver á svoleiðis uppí skáp (eða veit um einhvern sem á) sem er föl (gegn þóknun eða gefins ;) þá má sá hinn sami endilega kasta á mig línu!


Svo er það eitt enn sem mig langar hrikalega í til að svala söfnunaráráttunni. Það er gömul Nintendo NES tölva, þessi allra elsta, gráa, og super mario leikina, ég alveg elskaði super mario 3! og reyndar 1 líka hehehe.

Jæja, þá vitið þið allavega á hverju ég hef áhuga! :p