I am the it girl

Já... er ekki rétt að blogga? Veit reyndar ekki alveg um hvað ég ætla að blogga.. en það kemur allt í ljós!

Hmm ætli það sé ekki rétt að byrja bara á föstudeginum síðasta. Við fórum sumsé nokkrar stúlkur/konur að gæsa hana Þorbjörgu frænku. Byrjuðum á að vekja hana eldsnemma og brunuðum svo með hana í rafting í skagafirði. Það varð örlítill misskilningur, við héldum að við ættum allar að vera saman í einum stórum bát en Þorbjörg + guide á litlum ducky bát. Þegar við mættum á staðin blöstu hinsvegar við okkur 5 litlir ducky bátar!! Til útskýringar eru ducky bátar 2 manna uppblásnir kajakar/kanóar..
Allavega guidarnir röðuðu okkur 2 og 2 saman og svo lögðum við af stað. Það vildi ekki betur til en að í fyrstu flúðum (u.þ.b. 30 sek eftir að við lögðum af stað) veltum við 8 af 10! Það er rétt hægt að ímynda sér hvernig það var að bjarga 8 öskrandi stelpum uppúr stórfljóti! Þetta vakti bara upp minningar frá í svíþjóð þegar við vorum í rafting á svona 2 manna bátum..

En allavega eftir að allir voru komnir aftur í báta gekk þetta bara mjög vel og þetta verður örugglega orðið rosa gaman eftir svona mánuð :p Ég var reyndar að drepast úr strengjum í gær og fyrradag, aðalega í maganum og ég kenni því um að ég tók alltaf andköf þegar ég fékk nokkra dropa af vatni framan í mig :p

Jæja eftir þetta var svo brunað á Gauksmýri þar sem við borðuðum góðan mat og fórum svo í ratleik. Góður dagur í alla staði :)

Jú og svo var brúðkaupið á laugardag, Hákon sagði já og Þorbjörg sagði já, svo var bæði hlegið og klappað í brúðkaupinu, allt á léttu nótunum og mjög skemmtilegt bara :) Allir stóðu sig vel og sérstaklega Berghildur Ösp, hún var algjör gella og fannst rosa gaman að fá að vera í flottum kjól og að rétta þeim hringana! Ég tók svo myndir bæði í athöfninni og nokkrar eftir athöfnina. Svo er það víst ég sem gifti mig næst, a.m.k. var ég fyrst til að halda á brúðarvendinum eftir athöfnina :p
Veislan var svo ljómandi fín, góður matur og fullt af fólki :)

Annars einkenndist helgin af því að Berghildur hljóp hlæjandi með bréf í spotta - á eftir henni kom Skuggi, annars vegar að leika sér og hinsvegar að flýja - að lokum kom svo Ásgerður ORGANDI af gleði að elta Skugga til að reyna að klípa svolítið í hann. Það var mjög fyndið! og það fór sko ekki framhjá neinum þegar Ásgerður sá köttinn, það kom sérstakur orghlátur frá henni :p hehehe

Svo er ég að fara til Danaveldis á morgun (nota bene í þriðja skiptið á árinu!). Fer reyndar eiginlega ekki fyrr en á miðvikudag.. á sko flug klukkan 01:00 aðfaranótt miðvikudags. Ætla að fara að "heimsækja" Ástu. Mér skylst að ég eigi að veita henni leiðsögn í búðum :p Annars þá ætlum við líka í dýragarðin og í tívolí, verður rosa gaman :) Kem svo heim á mánudag..

Já jæja, nóg í bili! Yfir og út