<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d18310621\x26blogName\x3dI+am+the+it+girl\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://longlovelust.blogspot.com/search\x26blogLocale\x3dis_IS\x26v\x3d2\x26homepageUrl\x3dhttps://longlovelust.blogspot.com/\x26vt\x3d5257471162236029623', where: document.getElementById("navbar-iframe-container"), id: "navbar-iframe" }); } }); </script>

I am the it girl

 

Mynd dagsins - Africa?



Staður: Borgarfjörður
Stund: ca 23:00, 23.07.2006

Höf Hrafnhildur
Dags miðvikudagur, júlí 26, 2006
Klukkan 09:52
Skoðanir:
 
 

Blogg dagsins - Borg Óttans

Jæja, ég skellti mér í Borg Óttans um helgina. Það var að sjálfsögðu stíf dagskrá frá morgni til kvölds, en því miður hafði ég ekki tíma til að gera allt sem ég ætlaði mér :(

Ég fór nú samt í bíó á föstudagskvöldið, fór á Stick it, mæli með henni, hún er svöl. Á laugardaginn fórum við svo í Smáralindina, þ.e. ég, Þórunn, Þóra og Íris vinkona þeirra. Svo um kvöldið fór ég í grillpartý með ljósmyndanördum, Magga vinkona (sem er ljósmyndanörd) plataði mig með. Eftir partýið tókum við svo miðbæjarrölt og fórum og gáfum öndunum og gæsunum brauð. Ég skil nú ekkert hvað er verið að kvarta yfir mávum, ég sá nú bara 2 eða eitthvað! En við tókum samt vídjó af gæsunum sem við rákumst á, þær voru margar margar margar, alveg tuttugu tuttugu tuttugu! Oooog hérna er gasalega vel unnið og tekið vídjó, splæst saman og settur texti í það í gasaleg tæknó símanum mínum og svona ;)

Höf Hrafnhildur
Dags mánudagur, júlí 24, 2006
Klukkan 11:59
Skoðanir:
 
 

Spurning dagsins

Spurning dagsins er tvíþætt að þessu sinni.
Til að geta svarað spurningunum þarf að standa uppúr stólnum og standa bein/beinn í baki. Síðan þarf einfaldlega að horfa niður.

Nr. 1 - getur þú séð á þér magan?
Nr. 2 - getur þú séð á þér tærnar?

Höf Hrafnhildur
Dags föstudagur, júlí 21, 2006
Klukkan 14:06
Skoðanir:
 
 

Rugl dagsins - draumfarir

Það er ekki hægt að segja annað en að ég sé með mjög auðugt draum-ímyndunarafl. Mig er alltaf að dreyma einhverja vitleysu og síðasta nótt var sko engin undantekning!

Draumurinn byrjaði semsagt þannig að ég var einn af nágrönnunum í Nágrönnum (þættinum sko). Ég man nú ekki alveg hvað ég var að gera, held samt að allir “nágrannarnir” verið á kaffihúsinu þegar það kemur stelpa og segir að við verðum að koma. Við drifum okkur náttúrulega öll út og sáum þá að meira en hálf gatan var brunnin til kaldra kola! Við létum þetta nú ekkert á okkur fá, enda nágrannar, og byrjuðum bara að safna saman öllu heillegu og svo var bara tjaldað. Einhver Lost fílingur var nú í þessu vegna þess að allt í einu voru komnar matarbyrgðir, svona out of nowhere. Það var verið að skipta matnum á milli þegar ég verð vör við stelpur sem fóru óvenju margar ferðir og ákveð að elta eina. Þá eru þær 3 saman með tjald bak við eina brunarústina og eru að hamstra mat og fleiru, t.d. 28” sjónvarpi!

Eftir þetta verður draumurinn doldið “blurry” en einhverra hluta vegna þá erum við komin á Ísland aftur. Eitthvað er verið að fylgjast með óeirðunum í Líbanon og svo kemur það í fréttunum að Bush bandaríkjaforseti ætlar í stríð þar. Bush kemur síðan til okkar í brunarústirnar á klakanum og ætlar að fá okkur Íslendinga með í stríð. Stína (sem vinnur í sparisjóðnum) er forseti Íslands vegna þess að Palli (sparisjóðsstjóri) er í fríi. Hún vill nú aldeilis ekki fara í stríð og lætur alla flýja inn í hús sem brann ekki. Bush kemur og ber að dyrum og er frekar reiður og heimtar það að við komum í stríð. Stína er nú aldeilis ekki á því, segir að við styðjum Bandaríkin en við ætlum sko ekki að blanda okkur í stríðsrekstur í Líbanon! Við þetta verður Bush brjálaður og ætlar að brjótast inn um risa stóru járnhurðina sem lokar húsinu. Honum tekst að brjóta hana upp en Stína fyrirskipar að láta járnstangir fyrir til að loka hann aðeins lengur úti. Á meðan hann brýst svo inn flýjum við öll niður um leynihlera á gólfinu.

Núna verður draumurinn aftur frekar blurry aftur en svo skýrist hann og þá eru ég, Stína og stelpurnar sem áttu tjaldið komnar niður í mjög skrítið rými. Í þessu rými eru risastórar lifandi bækur! Þetta var frekar erfið staða en Stína vissi samt hvað átti að gera, hún þurfti að finna orðabók og tala við hana. Hún þurfti semsagt að fletta upp á einhverju orði sem var Anvil???? eða eitthvað álíka fáránlegt og var nánast aftast í bókinni. Bókin var nú ekki mjög vingjarnleg og reyndi mikið að koma í veg fyrir að Stína næði að opna hana á réttum stað en að sjálfsögðu tókst að finna rétta staðin í bókinni og segja einhverja töfraþulu þannig að bókin varð að bjarga okkur.

Bókin stendur við sitt og sendir mig og stelpurnar úr tjaldinu í stórt gistihús. Það eru komin jól og ég þarf að komast heim. Það vill svo skemtilega til að bootcamp þjálfararnir Biggi og Robbi eru líka í þessu húsi og þeir bjóðast til að skutla mér heim. Þeir þurftu reyndar aðeins að koma við einhversstaðar hjá Blönduósi til að testa bílinn eitthvað. Ég hafði verið í símasambandi við Sunnu vegna þess að ég ætlaði að koma við heima hjá henni til að láta hana fá jólagjöfina sína og til að fá mína gjöf en af því að við vorum svo lengi þá hafði ég ekki tíma til þess. Heima í Brún var verið að elda jólamatinn sem samanstóð af meðlæti og PYLSUM! Bökuðum ss pylsum!! Mér fannst þetta nú ekki mjög girnilegur matur og var ekki alveg sátt við það að það væru 5 pylsur í matinn, taldi þetta alls ekki nóg fyrir mig, ömmu og afa og mömmu!

Einhverra hluta vegna enda ég svo á Sólbakka þar sem verið er að elda jólasteikina, Sirrý auðvitað með þetta allt á hreinu að elda Svínahamborgarhrygg. Eitthvað er ég að kvarta við ömmu og mömmu um það að þau fengju svona steik en ég þyrfti að borða Pylsur!!!

Sem betur fer varð þessi draumur nú ekkert lengri, sennilega bara ágætt enda vitleysan orðin alveg nógu mikil!

Höf Hrafnhildur
Dags fimmtudagur, júlí 20, 2006
Klukkan 09:33
Skoðanir:
 
 

Blogg dagsins

Jæja, mér fannst komin tími til að blogga. Var nú bara að vinna í síðustu viku og svona og svo kom mútt norður um helgina. Ég, mútter, Þorbjörg, Hákon, Ásta og Konni fórum á hestbak í gær og ég hef ekki farið á hestbak síðan um stóðréttir, tók nú samt stökksprett og skeiðsprett, svaðalegt stuð, held ég verði að fara að gera meira af þessu ;) - sérstaklega líka til að ég fái ekki svona rasssæri aftur :p

Annars þá átti besta vinkona mín stórafmæli á laugardaginn. Hún heitir Hvítloppa og varð 15 ára gömul. Í tilefni dagsins þá klappaði ég henni aðeins meira en venjulega og knúsaði hana svo pínkulítið. Ég semsagt fékk hana í afmælisgjöf þegar ég var 7 ára og við höfum verið óaðskiljanlegar síðan. Eða svona.. hún móðgaðist held ég pínkulítið út í mig þegar ég togaði hana á skottinu undan sófanum og svo aftur þegar ég setti hana útí poll... held reyndar að hún sé búin að fyrirgefa mér. Þrátt fyrir háan aldur er hún ennþá í fullu fjöri, uppáhalds áhugamál hennar er að leggja sig og borða mat og svo að láta klappa sér. Til gamans þá læt ég fylgja hérna með tvær myndir af hefðarfrúnni.



Höf Hrafnhildur
Dags mánudagur, júlí 17, 2006
Klukkan 13:23
Skoðanir:
 
 

Blogg dagsins - gönguferð helgarinnar

Jæja gott fólk. Ég er farin að hallast að því að enginn lesi mitt ástkæra blogg vegna þess að það commentar aldrei neinn!! hmm haa hmm hmm ha?? :p (Þið örfáu sem commentið fáið punkta hjá mér samt ;)

Eeen allavega þá fór ég um síðustu helgi á Akureyri að heimsækja mútter. Ég fór í búðir og hitti Þorbjörgu og fékk mér pizzu og svona, semsagt bara rólegt og þægilegt. Á laugardaginn ákváðum við mútt svo að skella okkur í fjallgöngu. Gengum á Staðartunguháls sem skilur að Hörgárdal og Öxnadal. Vorum í 3 og hálfan tíma á röltinu í misgóðu veðri, það var bæði sól og svo rok og rigning. Mjög gaman. Við vorum nottlega báðar með myndavélar og hér er smá sýnishorn af myndum.


Mútter á leiðinni á toppinn


Ég í smá pásu


Mútter að taka mynd af...


mér að taka mynd af henni


Og svo ein af mér þar sem ég er svaka mikil gella

Höf Hrafnhildur
Dags miðvikudagur, júlí 05, 2006
Klukkan 14:54
Skoðanir:
 
 

Blogg dagsins - Morðóði þrösturinn

Ég lifi í ótta. Ég bý í stofufangelsi. Mér er ekki óhætt að fara út úr húsi. Hundinum er ekki óhætt að fara út úr húsi. Kettinum er ekki óhætt að fara út úr húsi. Hvers vegna? Það er morðóður þröstur í garðinum! Hann fylgist með hverju fótmáli okkar íbúanna og ef við svo mikið sem stingum hendi út um gluggan þá reynir hann að ráðast á okkur. Ég þurfti að hlaupa út í bíl í morgun meðan fuglinn elti mig með viðeigandi skrækjum og öskri! Þessi illska á sér þó skýringu. Þrösturinn er með hreiður fyrir sunnan hús og í því húka 4 litir ungar. Allt gerir maður þó fyrir eina mynd. Ég lagði mig í lífsháska í gær og fór út með myndavélina að vopni.

Höf Hrafnhildur
Dags þriðjudagur, júlí 04, 2006
Klukkan 10:08
Skoðanir:
 
 
 
free html hit counters
Dicks Sporting Goods Store
web statistic