I am the it girl

Jább, ég er semsagt ekki alveg dauð.. og ég er ekki í bloggverkfalli heldur! Var útí skógi! Skólinn semsagt flutti til Sletten í eina viku. Sletten er staður, já, semsagt útí skógi þar sem hópar geta komið og gert hitt og þetta! Við lögðum af stað hjólandi á mánudagsmorgni og 47,73 km síðar vorum við mætt á sletten. Þegar þangað var komið var nóg að gera, við sem erum í friluftsliv þurftum að fara og byggja okkur tjöld en hinir þurftu semsagt að finna herbergin sín!

Ég, Ingveldur, Dóra og Sigríður byggðum saman eitt stk tjald og var það hin mesta skemmtun. Rikke kennari er mjög spaugileg þar sem hún getur ekki logið... Hún semsagt kom nokkrum sinnum og horfði á tjaldið okkar, var asnaleg á svipinn en sagði að henni litist ágætlega á þetta, samt væri nú kannski betra að gera svona og svona eða hinsegin :p hehe, Jæja, allavega þá sváfum við 4 í þessu tjaldi fyrstu nóttina. Og fyrsta nóttin var alveg nóg fyrir mig! Svaf voða lítið og svefnpokinn minn varð blautur af því að þessi dúkur sem við notum til að búa til tjöld er ekki vatnsheldur!
Næstu nætur sváfum við Ingveldur inni en hetjurnar Sigríður og Dóra sváfu úti.

Á þriðjudaginn var stanslaus dagskrá, byrjaði á því að fara í ratleik, svo stomp, svo leiki og svo í andlitsnudd. Þetta var allt mjög skemmtó.. og eftir alla þessa leiki sem ég hef farið í er ég komin með alveg langa dagskrá fyrir næsta ættarmót ;) Um kvöldið fórum við svo í leik útí skógi. Það var semsagt alveg dimmt og öllum var skipt í lið og liðin áttu að finna einhver blöð sem héngu í trjánum. Þetta var nú ekki alveg svona auðvelt af því að það voru nokkrir sem áttu að ná hinum og þá fékk liðið mínus stig. Þetta var mun skemmtilegra en ég bjóst við og liðið mitt vann ;)

Miðvikudagur. Byrjuðum á því að rölta á Himmelbjerget, þetta er svaka risa hátt fjall og ég bara var næstum dauð á því að labba upp!! Og svo þurfti ég að sjálfsögðu súrefni þegar á toppinn var komið!! Úff, örugglega hæsta fjall sem ég hef gengið á, 147 m! :p
Eftir hádegi bjó ég svo til eitt stk hníf! Jább hníf. Rikke var að kenna okkur allt um það hvernig maður gerir hnífa. Ég semsagt tálgaði skaftið og bjó svo til hulstur utan um hnífinn, voða fínt ;p og bara helv gaman!

Fimmtudagur. Fórum í mjög undarlegan leik. Hann gekk útá það að okkur var skipt í lið. Við vorum álfar og áttum að finna nokkrar stöðvar til að safna blöðrum! Blöðrurnar þurftum við að blása upp og hafa innan á okkur. Til að gera okkur þetta erfitt fyrir þá voru sumir tröll sem áttu að ná okkur og eyðileggja blöðrurnar! Svo þurftu allir að taka með sér eitt stk egg. Það voru nebblega nokkrir einhverjar verur sem brjóta egg á hausnum á álfunum!! Jájá gaman gaman, svo fengum við stig eftir því hvað við komum með margar blöðrur og mörg egg til baka! Ég fékk eitt egg í hausinn áður en ég lagði af stað! það var ógó!!
Eftir hádegi fór ég svo í gönguferð með Siu kennara og 4 öðrum nemendum í kringum eitthvað vatn. Það var mjög fínt, rúmlega 8 km ganga.

Föstudagur. Hjóluðum heim, 46,8km. Eftir að ég kom heim ákvað ég svo að skella mér í verslunarmiðstöð sem er slatti frá þannig að ég tók rúmlega 16 km hjólarúnt í viðbót :p Þannig að ég er búin að hjóla 63 km í dag!! Enda er ég orðin frekar þreytt!!

Annars þá var ég að setja inn myndir, bæði frá sletten og svo djammmyndir síðan um daginn ;) Enjoy http://picasaweb.google.com/krunka