I am the it girl

Já jæja, ég er semsagt ekki dauð! Nenni bara ekki að blogga í skólatölvunum af því að þar hefur maður ekki þ og ð og á í og ó er asnalegt! og maður getur heldur ekki gert ý!! (af því að maður notar það svo mikið!) Já og tölvan mín virkar semsagt ekki í herberginu mínu.. netið er bilað... hehe

En allavega þá er allt búið að vera á fullu, fórum til Ollerup (sem er syðst á fjóni) á mánudaginn fyrir rúmri viku. Það var fínt... Nokkrir íþróttalýðháskólar að keppa í fótbolta og handbolta og blaki og svo gátu hinir sem ekki eru keppnismanneskjur valið að gera eitthvað annað. Ég valdi sprin-workshop og klatrin-workshop. Var semsagt að hoppa á trambolíni og fara í handahlaup (hef aldrei getað það!) fyrir hádegi og svo var ég að klifra eftir hádegi. Það var fínt..

Svo erum við byrjuð að undirbúa okkur fyrir Svíþjóðarferð. Leggjum af stað klukkan 8 á sunnudagsmorgunn! Okkur var skipt í nokkur lið, 3-4 saman og hvert lið eldar saman og tjaldar saman. Ég er með strák sem heitir Martin og stelpu sem heitir Kimmie, er MJÖG sátt við það... Finnst ég mjög heppin með hóp miðað við suma.. Aumingja Ingveldur þarf t.d. að vera með eina náunganum sem hún vildi ekki vera með í hóp..

Já en allavega þá förum við á sunnudag, byrjum á að hjóla 65 km og tökum svo ferju og hjólum svo 35 km í viðbót! Svo förum við á kanó og í rafting og að klifra og hellakönnun og eitthvað fleira.. verður örugglega mjög gaman!! Minn hópur átti mjög auðvelt með að ákveða matarplön, vorum mjög sammála! hehe það verður semsagt kjúklingur í karrý með hrísgrjónum á mánudagskvöldið, svo verður hakkabuff og pasta, Pasta með kjötsósu, Piparsteik með piparsósu og hrísgrjónum og svo pylsur og pasta ;) Og svo ætlum við á McDonaldst þegar við komum heim! hehe Við semsagt komum aftur hingað á laugardaginn...

Hmm já svo er ég að spá í að fara í skíðaferð í næstsíðustu vikunni... Það verður farið til Austurríkis.. Ég reyndar ætla ekki í skíðaferðina ef ég ákveð að vera hérna á vorönninni líka... það er mjög heillandi að vera áfram :s Er samt að spá í að reyna að fá mér vinnu hérna ef ég verð ekki í skólanum (Þekkið þið einhvern í århus sem vantar einhvern í vinnu :)

Dúddírú, fleira, jú ég er að fara að leika í söngleik! Það á að setja á svið Rent og ég leik eitt af 8 aðalhlutverkunum ;) hmm já og svo fór ég í klippingu! Hárið styttist um marga cm! (sjá mynd í myndaalbúmi http://picasaweb.google.com/krunka)

Jæja, ég bið bara að heilsa! bææææææææææææjó!